Malango 19:15 - Amazwi Yakwe Leza 2013

¹⁵ “Kambone ndi waya wenga atange asinile umuntu ukuti ali nu mulandu, suka yaye yaili nanti yatatu lyene ayano yangamusinila ukuti ali nu mulandu.

Malango 19:15 ပူးပေါင်းရင်းမြစ်များ

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

1 Yamwene 21:13

Lyene antu yaya yaili viwelewele yiza yikala ulunga na Naboti. Alino iyatandika kupeela Naboti umboni waufi papa kwene pa manso ya antu, yati, “Naboti watatuka Leza pamwi nu mwene.” Acino antu yalya yafumizya Naboti kunzi ya musumba, akuno yaya yamutama na mawe mpaka afwa.

Mpendwa 35:30

“Umwi ndi wakoma umuze wafwa, wene atanga apingulwe ukufwa ukwaula yakambone akumusinila. Nupya yatange yamupingule ukufwa pa umboni wa muntu wenga sile.

Mateo 18:16

Lelo ndi wakana kuvwa kunuli, senda umuntu wenga nanti yaili, pakuti mulandu onsi usininkiziwe na yakambone yaili nanti yatatu.

Yoane 7:51

“Kulingana na Masunde itu, uzye tulinzile kupingula umuntu lino tutali tuvwe kunoli nu kumanya vino watacita?”

Yoane 8:17

Calembwa mu Masunde inu kwene ukuti lino umboni wa antu yaili wazumilizyanya, umboni wao ala uwa cumi.

2 Kolinto 13:1

Lii, lili iila lyalenga lyakwe itatu lino nkwiza ku kumutandalila. Ndi vino calembwa mu malembelo cati, “Kupelwa mulandu konsi kulinzile kusininkiziwe na yakambone yaili nanti yatatu.”

Malango 17:6

Lelo kwene pakuti mumutame na mawe afwe, palinzile paya ya kambone yaili nanti ukuluta penepo, akumusinila. Mutalinzile ukumutama na mawe mpaka afwe ndi cakuti kambone waya wenga sile.

1 Timoti 5:19

Utauvwa ku muntu akulongwela wikolo wi uvi suka ndi pali antu yaili nanti yatatu akuzumilizya vino cumi wikolo waponga.

Ayebulai 10:28

Muntu wensi wino asyakuyela Masunde yakwe Mose ndi yamusinila kuli yakambone yaili nanti kuluta, ala wene amapingulwa kukomwa kwaula luse.