Malango 18:8 - Amazwi Yakwe Leza 2013

⁸ Wene alinzile kupelwa cipimo icili cimwi ca vyakulya ndi cico cikapelwa kuli yasimapepo yauze, nupya wene angasunga icili consi cino ang'anda yakwe yamutumila.

Malango 18:8 ပူးပေါင်းရင်းမြစ်များ

2 Milandu 31:4

Alino umwene apeela ilamulo ku antu amu Yelusalemu kuti yalete ivyawila nu kupeela yasimapepo na ina Levi ivipande vyao apakuti yaipelesye ukuwaka ukusunga ningo amasunde yakwe Yawe.

Neemiya 12:44

Pa wanda kwene ulya antu yasonsilwe kuti yawaka amang'anda ya kusungilamo cuma muno yasungilangamo musangulo wa Ng'anda ikulu yakwe Leza, ukwikapo ni cikumi ni mbezu nga ni viseekwa vyankolelo ivyacanga cila mwaka. Antu yaa yapilwe umulimo wakukolonganika vyamusangulo ukufuma mu vyalo vyali mu pipi ni misumba ipusanepusane, vino yasangwilanga yasimapepo na ina Levi ndi vino calondekwa ukucita kulingana na Masunde yakwe Mose. Ayuda yonsi cayazanzizye apakulola uomvi wakwe yasimapepo na ina Levi kwene,

Neemiya 12:47

Acino mu manda yakwe Zelubabeli, nga nu mu manda yakwe Neemiya, aina Izlaeli yonsi yapeelanga amawila cila wanda akwazwilizya yakiimba pamwi na yakalinda amu Ng'anda ikulu yakwe Leza. Nupya yapaatwilile aina Levi icipande cao, nga aina Levi nayo yapaatwilile amu mupanda wakwe Aaloni cipande cao.

Aina Levi 27:30

Conga pa vintu ikumi muli vyonsi vino impanga ikamezya, usi mulandu cingaya imbezu nanti viseekwa, cene icakwe Yawe.

Aina Levi 7:14

Lyene atoole ciputulwa conga pa musango uli onsi wa mukate acipeele ciye uwila kuli Yawe. Ciputulwa kwene cico, cili ciputulwa cakwe simapepo wino amasansa uwazi uwa wila wa utandano.

Mpendwa 18:21

Yawe avwanga ati, “Ku ina Levi, pa kuyalambula pa milimo yao ino yakaomba mwi Taalu lya Ukongano, nayapeela upyanyi wa kutoola pa cikumi consi cino aina Izlaeli yakampela. Ali malipilo ya kuomba kwao ukwa kuwaka Itaalu lya Ukongano.

Luka 10:7

Ikalini mu ng'anda kwene iyo, mulye nu kumwa consi cino yamupeela. Pano muomvi alinzile apelwe malipilo yakwe. Mutapitana mu misolo.

Malango 18:7

Nga wene angatumikila kuku wakwe simapepo wakwe Yawe, vivi kwene wa ina Levi yauze akatumikila kuku pa manso yakwe Yawe.