Malango 18:22 - Amazwi Yakwe Leza 2013

²² Ndi cakuti vino kasema wiyo wavwanga apaswe mwi zina lyakwe Yawe vitafikiliziwa, ale lyene lisi ilandwe lino Yawe wavwanga. Kasema wiyo waivwangila sile ivyakwe, nga mutakezye kumoopa.”

Malango 18:22 ပူးပေါင်းရင်းမြစ်များ

1 Yamwene 22:28

Mikaya alanda ati, “Wemo ndi cakuti waca wawela umutende, awe nce, ale Yawe atalanda muli nene.” Nupya atwalilila nu kuvwanga ati, “Mwe antu mwensi, mwemo mungala muvwikisye sile vino natindanda.”

2 Yamwene 20:1

Umu manda yaya umwene Hezekiya alwala indwala yakumutwala uku mfwa. Alino kasema Ezaya, umwana wakwe Amozi aya ku kumufwilizya, nga lino amunena ati, “Yawe Leza wavwanga wati cange cizipe utandike ukutantika ivintu ningo, pano indwala ii isi ningo foo, imakukoma sile.”

Mapinda 26:2

Vino katiti kakapontomoka na kamimbi nako ikafuma ikapapuka, ali vino ni ntipu zino yakatipwila umuntu wakaele, zitalatala zimulematile.

Ezaya 41:22

Izini kuno mwize mulandile calimwi ivilaya uku nkolelo. Londolwelini icilye, tuvwe ivyaliko uku mpiti, tuvwe muno vilozile.

Yona 3:4

Yona aingila mu musumba ulya nga atandika ukupita mwenemo. Akosola ilandwe ati, “Kwasyala amanda nayauze amakumi yani kuti umusumba uwa Ninive ononwe.”

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Malango 18:20

Lelo ndi kasema ali wensi camukumba ukwezya kulanda mwi zina lyane lino nemo ntamupeela ilamulo kuti acite cico, wene alinzile akomwe, nga vivyo kwene avino mukacite na kuli kasema akalanda mwi zina lyakwe tuleza tuze.

Malango 18:21

“Manye mungayuzya mweisikulu muti, ‘Uzye lyene tungamanya uli ndi cakuti ilandwe lilyo litalandwa na Yawe?’

1 Samueli 3:19

Lino Samueli akukula, Yawe wali nawe, nga kutali izwi nanti lyonga pa mazwi yano walandanga lino litafikiliziwe.