Malango 18:18 - Amazwi Yakwe Leza 2013

¹⁸ Ndayatumila kasema akoline nawe ukufuma mu antu yao kololo. Ndamunena ivya kuvwanga, nga nawe alayanena vintu vyonsi vino ndamupeela ilamulo kuti alande.

Malango 18:18 ပူးပေါင်းရင်းမြစ်များ

Masamu 110:4

Umwene walafile umulapo, nu kufutuka atange afutuke foo! Watiile, “Wewe simapepo wakuyelelela mu lutambi lwakwe Mekisedeki.”

Masamu 2:6

“Natindasika mpiti umwene wane, ali pa Zioni, umwamba wane uwamuzilo.”

Kufuma 4:12

Acino ndakai pitanga! Ndalenga kuti uvwange nupya ndakunena ivyakuvwanga.”

Kufuma 4:15

Uce uvwange kunoli umunene ivyakuvwanga. Mweili kwene ndalenga kuti muvwange, nupya ndamunena vyakucita.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Ezaya 51:16

Anene kwene nasapalalika amayulu, nu kusimpisya imifula yansi. Anene kwene nkanena aina Izlaeli inti, ‘Mwemo mwemwe antu akwane mpo, amwemwe napiile amasunde yane, nupya amwemwe nkasunga uku maka yane sile.’ ”

Ezaya 51:4

“Kutikini kuno ndi mwe mitundu ya antu! Mwe antu yane muvwe kuli vino nkulanda. Pano impolelwa yafuma kunondi, nga nu pinguzi wane ulakozezya imitundu uluswepo.

Yelemiya 1:9

Lyene Yawe atambika ikasa lyakwe, nga ankumya na pa milomo avwanga ati, “Lola, namaika amazwi yane mu kanwa kako.

Oseya 12:14

Lelo aluko lwakwe Efulemu yalenzile kuti ukali wakwe Yawe ufulume, acino yalinzile ukufwa pamulandu wa kwifya kwao. Umwene wao alayavunuka pa vicitwa vyao vyamulenzile insonyi.”

Amosi 2:11

Nupya nene nasolwile yamwi mu ana inu kuti yaye yakasema, nu kusolola yamwi mu alumendo inu kuti yaye Anazili. Uzye asi avivyo, mwe ina Izlaeli? Avino Yawe wavwanga.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mpendwa 12:13

Acino Mose nawe alaizya kuli Yawe ati, “We Leza wane, si leka apole napapata!”

Mpendwa 23:16

Alino Yawe akomenkanya Balamu, amunena ivyakuti avwange nga amuswilizya kuli Balaki ku kumunena amazwi yakwe.

Mpendwa 23:5

Alino Yawe anena Balamu ivyakuti akanene Balaki nga amuswilizya na mazwi kwene yayo.

Luka 24:19

Nawe amuuzya ati, “Uzye vintu ci?” Nao yaasuka yati, “Vintu vyacitikile Yesu uwaku Nazaleti. Uwali a Kasema wa maka mu vicitwa nu mu mazwi pa manso yakwe Leza nga na pa manso ya antu onsi.

Yoane 1:21

Nao yamuzya yati, “Uzye lyene wewe weni? Uzye wewe Eliya?” Nawe aasuka ati, “Asi nene Eliya.” Nao yamuzya yati, “Uzye ale wewe kasema wino tukalolela?” Nawe aasuka ati, “Awe.”

Yoane 1:25

yuzya Yoane yati, “Uzye wemo ndi usi Katuula uwalavilwe, nanti Eliya, nanti kasema wino tukalolela, pacani ukawatizya?”

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Yoane 12:48

Na wino wensi uwankana, wasula mazwi yane, akunoli alamupingula. Mazwi kwene yano nkalanda alamupingula pa wanda wampelelekezyo.

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Yoane 17:18

Ndi vino wantumile mu nsi, avino nani nayatuma.

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

Yoane 4:25

Mwanaci nawe amunena ati, “Namanya vino Katuula uwalavilwe aliza nga lino wiza alatunena vyonsi.”

Yoane 8:28

Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.

Milimo 3:22

Pano Mose wavwanzile ati, ‘Leza winu alamutumila kasema, wakwe vino wantumile. Wene alaya wenga uwamu antu inu, mukaamuvwa mu vintu vyonsi vino alamunena.

Milimo 7:37

Mose uwanenyile aina Izlaeli ati, ‘Leza alamutumila Kasema, wakwe vino wantuma, alaya uwa muli mwemwe kwene.’

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

Malango 33:5

Yawe wizile aya umwene wa antu yakwe aina Izlaeli lino imitundu yao kumwi ni ntunguluzi zyao zyakongine pamwi.

Malango 34:10

Ukutandikila sile lili kwene, kutatala kwaya kasema mu mpanga ya Izlaeli angalingana na Mose, wiyo wino walandanga kunoli pa manso ntontonto.

Malango 5:5

Pa nsita ilya, ali lino nemo nimilile apakasi kinu na Yawe kuti imunene vino wene wavwanzile, pamulandu wakuti mwemo mutakwezile pa mwamba pano mutukanga umoto. “Yawe wavwanzile ati,

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.

Ayebulai 7:22

Lyene kulapa kuu kukalenga kuti Yesu aye cisininkizyo ca upangano usuma ukuluta.