Malango 18:10 - Amazwi Yakwe Leza 2013

¹⁰ Mutakezye kuleka umwi uwa munomuli azanwe akupeela umwana wakwe umonsi nanti umwanaci impolelwa pa moto pa kavuwa, nanti kusapola nanti ukucita vya uncimya nanti vya ulozi

Malango 18:10 ပူးပေါင်းရင်းမြစ်များ

Utandiko 44:5

Uzye pacani cino mwiya ulwako lwakwe siluva lwa musambazi wane? Ulwako luu aluno akamwela amanzi, nupya aluno akaomvya pa kusapola. Cumi, mwatala mulandu ukulu cuze pa kwiya ulwako.’”

2 Yamwene 16:3

Wene wacitanga ivintu iviipe kwati sile ivyacitanga yamwene aku Izlaeli. Aazi wiyo wapile umwana wakwe umonsi wa mpolelwa yakoca, umu kulondela imisango iipe iya nko zino Yawe wazinzile umu mpanga ilya lino aina Izlaeli yingile mwenemo.

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

2 Yamwene 17:17

Yocanga wa mpolelwa ana yao aonsi na akazyana ku mileza yankandawa. Yasapolanga nu kupendola kuli yakalola na yakamucape. Alino yaipelesyanga wensi pyu, umu kucita iviipe pa manso yakwe Yawe, iyamulenga ukusoka.

2 Yamwene 21:6

Manase atoola nu mwana wakwe wenga umonsi, amupeela wa mpolelwa yakoca. Alino atandika na uncimya nu kusapola nga nu kuuzya ku antu ya malele na yasing'anga pamwi na yasikangulu kwene. Fwandi wene waifizye sana kuli Yawe amusosya wakwe cimwi.

2 Yamwene 23:24

Mu manda kwene yayo Yosiya wazinzile antu yonsi auzyanga uku mipasi ya antu afwe na asapolanga umu mpanga yaku Yuda nu mu Yelusalemu kwene. Wafumizye nu tuluwi tuno yapepanga wakwe tuleza, tuto tonsi utwali umu ng'anda pamwi ni vintu vyonsi vino antu atamanya Yawe yaomvyanga apa kupepa. Wene wacisile cii apa kufikilizya amasunde amu lupapulo luno Simapepo Mukulu Hilikiya wazanyile umu Ng'anda ikulu yakwe Yawe.

1 Milandu 10:13

Saulo wafwile pamulandu wakuti atali uwacumi kuli Yawe. Wene atayelanga amasunde yakwe Yawe. Walondanga utunguluzi ukupitila mu kusapola ku mipasi ya afwe

2 Milandu 28:3

Aoca nu ubani mu Cifoloma ca Beni Hinomu nu kupeela ana yakwe aonsi wa mpolelwa, apakulondela imisango iipe ya nko zino Yawe wazinzile apa manso ya ina Izlaeli.

2 Milandu 33:6

Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.

Kufuma 22:17

Lelo ndi isi wa mukazyana wakana kuti umonsi wiyo amutwale, lyene umuntu wiyo alinzile kulipila isi wa mwana impiya kulingana ni zyakulipa pa mukazyana atamanyile umonsi.

Kufuma 22:18

“Mwanaci wensi wino akacita vyamalele alinzile akomwe.

Ezaya 47:13

Wemo waicuzya sile apakupokelela umpandamano uvule. Leka amanyamano yakize kuti yakupususye. Kayize antu yano yasambilila apa ntanda, yayo akaceceta intanda nu kusowela cila mwezi apa vintu vino vili nu kucitika. Leka yakutuule ku vintu ivilakuponela.

Yelemiya 27:10

Pano yene yakamusemela sile ivyaufi nu kuleka ukuti yamuzinge umu mpanga inu. Ala nemo ndamuzinga, mulalowa.

Yelemiya 27:9

Fwandi, mutezya mwauvwa kuli yakasema inu, kuli yakasapoola inu, kuli yakalota yaviloto, kuli yakapendola na kuli yasing'anga inu yano yakamunena ukuti mutakatumikile umwene waku Babiloni.

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Aina Levi 19:26

“Mutasaapola nanti ukucita vya ulozi.

Aina Levi 19:31

“Mutaya ku kuuzya kuli yakasapoola nanti ku antu yano yakavwanga ni mipasi ya antu afwe. Pano yangamulenga ukuya amifitalila. Nene indi Yawe Leza winu.

Aina Levi 20:6

“Muntu ali wensi ndi waya ku antu yano yakavwanga ni mipasi ya antu afwe, indafutatila umuntu wiyo nu kumusukula mu antu yane.

Mika 5:12

Ndonona amalele inu yonsi, nga pakasi kinu patalaya yakasapoola.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Milimo 19:19

Aingi muli yano acitanga malele yaleta impapulo zyao apali pamwi yazyoca pa manso ya antu. Lino yapenda yazana vino mutengo wakwezyo wali impiya zyakwe siluva mazimbi makumi yasano.

Milimo 8:9

Mu musumba ulya mwikalanga umuntu izina lyakwe a Simoni, wino pa nsita imwi wazungulanga aina Samaliya ku malele yakwe. Wene waitakanga kuya mukulu cuze.

Galatiya 5:20

mu kupepa tuluwi nu mu ulozi. Antu yakaya anisi nga nu kulwa. Yene yakazuwilana nu kusokana, nu kupaatukana.

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”

1 Samueli 28:3

Pa nsita ilya walanga Samueli wafwa, na ina Izlaeli yonsi yamulosizye nga iyamuzika umu Lama, umusumba wa kumwao. Saulo wazinzile yancimya na yakasapoola yonsi umu mpanga ya Izlaeli.

1 Samueli 28:7

Saulo pali pakunena aomvi yakwe ati, “Mundondele umwanaci umwi wino akasapola, pakuti inje kunoli nkamuzye ivyakucita.” Nayo iyamunena iyati, “Kwaya wenga umu Endoli.”

1 Samueli 28:8

Acino Saulo aivulunganya imilolekele, pa kuzwala ivyakuzwala vyuze, nga usiku aliwe na yonsi yaili iyaya ku mwanaci wilya. Alino amunena ati, “Unguzizye ku mupasi ivyakucita, nga ungamile umupasi wa muntu wino namataka.”

1 Samueli 28:9

Lelo umwanaci wilya amunena ati, “Cumi kwene wamanya ukulukusi wakwe Saulo. Wene wazinga yancimya na yakasapoola mu mpanga ya Izlaeli. Uzye pacani cino wanteya iciteyo kuti unkome?”