Malango 17:20 - Amazwi Yakwe Leza 2013

²⁰ Cii, cilalesya umwene wiyo ukuitutumula pa ina Izlaeli yauze. Nupya cilamulesya ukukana yela amasunde yakwe Yawe umu nzila ili yonsi. Lyene umwene wiyo pamwi nayauze amu mupanda wakwe alamulondelela icisila yalaya yamwene mu Izlaeli pa manda avule cuze.”

Malango 17:20 ပူးပေါင်းရင်းမြစ်များ

2 Samueli 22:23

Nkawaka amasunde yakwe yonsi. Nkayela amalamulo yakwe.

1 Yamwene 11:34

Nga lelo Solomoni yasikumupokolola uwene onsi. Amaya pa wene mpaka amanda yonsi yano alikala pa wene pamulandu wakwe isi Davidi wino ne Yawe nasolwile, uwalondelanga amalamulo yane ni vyeo vyane.

1 Yamwene 11:36

Lelo umwana umonsi wakwe Solomoni ndamusila umutundu onga, pakuti lyonsi kwene ince nkwate umwi uwa mupanda wa muomvi wane Davidi, uwakuteeka mu Yelusalemu, umusumba uno nasolola kuti amuno yampepela.

1 Yamwene 15:3

Abiya wene wacisile amaifyo yonsi yano isi wacisile. Wene atali uwacumi kuli Yawe nu mwenzo onsi, ndi vino Davidi icikolwe cakwe cali.

1 Yamwene 15:5

Cali vivyo pamulandu wakuti Davidi wacisile ivisuma pa manso yakwe Yawe, nupya mu manda yonsi ya umi wakwe wene atakanyile kuyela amalamulo yakwe, suka sile pamulandu onga sile wakwe Uliya umwina Hiti wilya.

1 Yamwene 2:3

Uwacita vino Yawe Leza wako wakupeela ilamulo kuti ucite. Uwayela amasunde na malamulo yakwe yonsi wakwe vino yalembwa mu mpapulo zyakwe Mose, pakuti vyonsi vino ulacita vikuzipile ukuli konsi kuno ungaya.

2 Yamwene 10:30

Yawe anena Yeu ati, “Pamulandu wakuti wacitila amu mupanda wakwe Aabu mu musango uno nemwisikulu nakunena kuti ucite, ali cino fwandi nakulaya ukuti ana yako ku kwizafika nu ku mukulo uwalenga cini, ali yano yamayanga aene mu mpanga ya Izlaeli.”

2 Yamwene 14:10

Ali cino wemo we Amaziya, wewe wacilumba apamulandu wakucimvya kuno wacimvizye aina Edomu. Ale fwandi yame walukuyuvwa vivyo kwene mu kucimvya kwako. Nupya nkukunena wemo uwikala sile ukwako kuko kwene. Uzye pacani cino ungasonsomba ulwete ulwakuti ukailetelele sile, umu kutaila sile umu antu yako aina Yuda?”

2 Milandu 25:19

We Amaziya, lyene ukuiwanzya ukuti watucimvya aina Edomu. Lelo nkukupanzya amano ukuti ulinzile ukwikala ukwako. Uzye pacani cino ukasi kukatusya intazi nu kuiletelela uzanzo, nga uletelele na antu yako kwene?”

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

2 Milandu 33:12

Umu kucula kuno wacuzile asuka aya umutontela ngozi nu kuicefya apakalamba pa manso yakwe Yawe Leza wakwe. Alino amupapata nu kumulenga kuti amuyele uluse.

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

2 Milandu 33:23

Lelo wene ataicefizye pa manso yakwe Yawe ndi vino Manase isi waicefizye kuti aifusye pa manso yakwe Yawe. Lelo Amoni wene walunzilepo ukwifya.

2 Milandu 34:27

pasi pano waicefizye, wazenzuka pa manso yane. Walepozile ni vyakuzwala vyako apakulanga ulanda. Wemo uvwile vino napingwile Yelusalemu na ikazi yamwenemo. Nemo fwandi natinuvwa ipepo lyako.

Masamu 119:102

Nemo ntatazyela masambilizyo yako, pano wewe kwene uli kasambilizya wane.

Masamu 132:12

Ndi cakuti ana yako aonsi yaca yamasunga upangano wane nu kuwaka amasunde yano nayasambilizya, ale lyene ana yako aonsi yalaya impyanyi zyako umuyayaya.”

Masamu 19:11

Ali muno ne muomvi wako inkapula amano nu kuyawaka. Umu kuyalondela ali muno ndapokelela ni cilambu icikalamba.

Mapinda 10:27

Ukoopa Yawe kukalundulula uumi, lelo amanda ya antu aipe yakaipimpala.

Mapinda 27:24

Pano ivyuma visiyelelela pe, nu wene usiikalilila mpaka umu nkulo zyonsi.

Kasambilizya 8:13

Lelo antu aipe yene yakasyama. Umi wao waya wa cinzingwa. Yene yakafwa lino yacili ance, pano yasioopa Leza.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Habakuku 2:4

Uu uli usemo: Yakacita ya viipe yalalowa, l lelo yakacita ya visuma yalaya nu umi. Yonsi akacita vyaololoke yalaya nu umi pano yene acumi kuli Leza.

2 Kolinto 12:7

Lelo pakuti ntaitutumula pamulandu wa vintu vingi vyakuzunguka vino vyaumbwilwe nu Mwene kunondi, Leza wampile ca kuntota ca munga mu mwili wane icili wa nkombe yakwe Satana ino wazumilizye kwiza nguma.

Malango 12:25

Ndi mutalalya uwazi, ale mwayela isunde lii, na Yawe alazanga, nga ni vintu vyonsi vilamuzipila mwemwe na amu mupanda winu.

Malango 12:28

Muce mwatekela nu kuyela amalamulo yonsi yano nkumupeela, nga ni vintu vyonsi vilamuzipila mwemwe na amu mupanda winu amanda pe, pamulandu wakuti mulacita icisuma icakuzanzya Yawe Leza winu.

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 17:11

Muce mwazumila vino yakupingula nu kulondela vino yamutungulula ukucita.

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Malango 5:32

“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

1 Samueli 10:25

Alino lyene Samueli alondolwela antu insambu zyakwe kateeka ni milimo yakwe. Alemba umu lupapulo nu kulwika umu ncende yamuzilo pa manso yakwe Yawe. Alino lyene asalanganya na antu kuti lyene yangaswilila kumwao.

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”