Malango 17:19 - Amazwi Yakwe Leza 2013

¹⁹ Ace asunga ulupapulo lulo umupipi, nupya ace awelenga mwenemo amanda yonsi yano alikala pano nsi. Ali pakuti akasambilile ukoopa nu kucindika Yawe Leza wakwe nu kuyela ivintu vyonsi ukulingana na malamulo aya mwenemo.

Malango 17:19 ပူးပေါင်းရင်းမြစ်များ

2 Yamwene 22:10

Nupya Syafani alunda na mazwi ati, “Ulupapulo aelu luno simapepo Hilikiya waliwampela.” Nga Syafani awelengela umwene ivyali mu lupapulo lulu, ale akupundisya.

Masamu 1:2

Lelo wene akazangila mu kuyela amazwi yakwe Yawe, nu kuyelenganya usiku nu musanya.

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Malango 11:18

“Ali cino fwandi mwaiusya amazwi yane yaa nu kuyasunga mu myenzo inu na muli yakampingu inu. Mwayanyepelela ku makasa inu nu kuyazwala pa mausyu inu wa mipango pakuti yangaya wa ciusizyo.

Malango 4:10

ukuyanena ivya pa wanda uno mwemo mwimilile pa manso yakwe Yawe Leza winu apisika ya Mwamba wa Holebu, lino wene wavwanzile kunondi ati, ‘Konganika antu. Nkulonda kuti yuvwe vino namayanena, pakuti yasambilile ku nkwatila icoopo nu kuncindika mu manda yonsi yano yalikala mu mpanga na pakuti yasambilizye ana yao ukucita icili conga kwene.’

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Yoswa 1:8

Lupapulo luu lwa masunde lulinzile lwawelengwa lyonsi lino mukupepa. Mulinzile mwalupituluka umusanya nu usiku, pakuti mutekele pakucita vyonsi vino vyalembwa mwenemo. Ndi caya vivyo, lyene mulaya nu longo nupya mutalaposiwa.