Malango 16:21 - Amazwi Yakwe Leza 2013

²¹ “Lino mwaca mumakuulila Yawe Leza winu kavuwa, mutakezye ukusimpa mu mbali ya kavuwa kako ulucesi lwa cimuti ulwa cimanyililo cakwe kanamwene ka Asyela.

Malango 16:21 ပူးပေါင်းရင်းမြစ်များ

1 Yamwene 14:15

Yawe alavunuka Izlaeli, nga nawe alapungaila wi tete lyamu luzi. Wene alafumya aina Izlaeli mu mpanga ii isuma ino wapile ivikolwe vyao nga ayasalanganyizizye ku mbalama yuze ya Luzi lwa Yufulate, pamulandu wakuti yene yalenzile Yawe ukusoka pakuipangila amaunkolanya yakwe Asyela, ka leza kanaci.

1 Yamwene 16:33

Alino mu ng'anda kwene iyo, Aabu aikamo unkolanya wakwe Asyela. Mu musango kwene uwo Aabu acita ivintu ivivule vyakulenga Yawe, Leza wa ina Izlaeli ukusoka, ukuluta pali vivyo ivyacisile Yamwene aku Izlaeli yonsi amukolelile.

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

2 Yamwene 21:3

Wene wakuululwile incende zyakupepela mwenemo utuluwi, zino isi Hezekiya wasile watamola. Wakuulile Baali kavuwa nu kupangila Asyela ulucesi, wakwe vivi kwene vino Aabu, umwene waku Izlaeli wacisile. Manase wapepanga ni ntanda kwene.

2 Yamwene 21:7

Lyene Manase atoola iciluwi cico icakolana nu mwanaci nga aya aciika mu Ng'anda ikulu yakwe Yawe, mu cifulo cino Yawe wavwanzile kuli Davidi nu mwana wakwe Solomoni ati, “Mukwene umu Yelusalemu, umu Ng'anda ikulu kwene ii, umu ncende ino nemo nasolola ukufuma mu mpanga yonsi ya mitundu yakwe Izlaeli, ali muno yalampepela amanda pe.

2 Milandu 33:3

Wakuululwile incende zyakupepela mwenemo zino isi Hezekiya watamozile. Akuula nu tuvuwa apa kupepela Tubaali nu kupanga amaunkolanya yakwe Asyela.

Kufuma 34:13

Mwawisya tuvuwa twao, monone amawe yao amuzilo yano iimika, nupya muwisye incesi zyakwe Asyela.

Aina Levi 26:1

Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.

Malango 7:5

Acino muce momolole utuvuwa twao, mutamole viumbili vya mawe, nu kuputola incesi zyakwe Asyela, kaleza kanaci, nga nu koca utuluwi twao tonsi.

Yakapingula 3:7

Aina Izlaeli yilila Yawe Leza wao, yiifya kunoli nu kupepa Baali na Asyela, tuleza tuluwi tutu.