Malango 16:18 - Amazwi Yakwe Leza 2013

¹⁸ “Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

Malango 16:18 ပူးပေါင်းရင်းမြစ်များ

1 Milandu 23:4

Alino Davidi avwanga ati, “Pa antu yaa, 24,000 yapeelwa uwangalizi wa milimo yamu Ng'anda ikulu yakwe Yawe. Antu 6,000 yalinzile ukuya ivilolo na yakapingula,

1 Milandu 26:29

Mu amu mupanda wakwe Izali, Kenaniya na ana yakwe aonsi yapilwe imilimo yakwangalila ivintu, ndi vino ivyalembwa nga nu kupingula imilandu pakasi ka ina lzlaeli.

Ezila 7:25

“Acino wemo Ezila, umu kuomvya amano yano Leza wako wakupeela, wewe ulinzile wasonta intunguluzi na yakapingula akuteeka antu umu mbalama ya luzi lwa Yufulate, yao amanya isunde lyakwe Leza wako. Nupya ulinzile ukusambilizya amasunde kuli wensi atayamanyile.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Kufuma 21:22

“Antu yamwi aonsi ndi yakulwa, alino yakunula umwanaci asenzile indilwa, nga ni ndilwa iyo yononeka kwaula kumucisa mu musango uli onsi, lyene wiyo uwatamukunula alinzile ukulipa iya wa mwanaci wiyo kulingana nu uputuzi wa cilye.

Kufuma 21:6

lyene umusambazi wakwe alinzile kumusenda ku ng'anda yakwe Leza. Alino mu ng'anda yakwe Leza, amwimike pa mulyango nanti pa maingwe ya mulyango nga amutulule ikutwi. Lyene mu musango uu, ale waya muzya mpaka lino alafwa.

Mapinda 31:23

Iya nawe akacindikwa wakwe cimwi, lwapa mpongolo ya musumba, pano yakaikala na ikolo ya mpanga.

Mateo 5:21

“Muuvwa vino cavwanzilwe ku antu mpiti ukuti vikolwe vyanenyilwe vii, ‘Utakoma, na wino wensi uwakoma umuntu alinzile atwalwe ku cilye.’

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Malango 16:17

ukulingana na vino Yawe wamupolelela.

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

Malango 17:9

Muce mwatuula umulandu kuli yasimapepo aina Levi na yakapingula alaya pa luti pa nsita ilya kwene iya mulandu, nga nayo yalapingula umulandu.

Malango 21:2

Intunguluzi zinu pamwi na yakapingula ya milandu yalinzile yaya kweneko nu kupima intampulo ukufuma pa ncende iyo pano icala cazanyilwe kufika na kuli cila musumba uli pipi.

Malango 25:1

“Ndi cali aina Izlaeli yamwi yaili yapusana nga yatwala umulandu ku cilye ca milandu pakuti yayapingwile, nga lyene wenga wazanwa ukuti asi nu mulandu lelo umuze ali wa mulandu.

1 Samueli 8:1

Walanga Samueli wakota, wasonsile ana yakwe aonsi kuti alio yangaya yakapingula pakasi ka ina Izlaeli.