Malango 15:9 - Amazwi Yakwe Leza 2013

⁹ Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Malango 15:9 ပူးပေါင်းရင်းမြစ်များ

Yobo 34:28

Apa mulandu wakuti yapatikizye alanda ukupunda, kuli Leza, nawe fwandi ali pakuvwa ukulaizya kwao, nu kuyaasuka wayaasuka.

Masamu 101:3

Intalatala indolekesye apa viipe. Nemo napata ivicitwa vya antu akakusangukila we Leza, nsivisumbako namano foo.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 9:12

Wene akaiusya yao akucula, atange ailile uku mpooma zyao, nupya aliwe akayalandwila kuli yano yakayaifya.

Kufuma 22:22

Mutacuzya mukamfwilwa nanti umwana musyale.

Kufuma 22:23

Ndi mwayacuzya, ne Yawe nduvwa kulila kwao kuti njazwe.

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Mapinda 14:21

Wiyo uwasuula umuze ala waifya, lelo umuntu wino akaelela alanda uluse wasyuka.

Mapinda 21:13

Wiyo akafundika umu matwi lino alanda yakumulilila, nawe kwene kusi alamusakamala lino alapunda inkuta, ati, “Tutulwe!”

Mapinda 23:6

Utalya nu muntu walusoko, utakumbwa ni vilyo vyakwe nanti vingazipa uli.

Mapinda 24:9

Iciwelewele ca muntu cikaelenganya sile ivya maifyo, uwa mitumfyo, akapatikwa uku antu.

Mapinda 28:22

Amanso yamakumbukila yakalondelela ivyuma, ukwaula nu kumanya ukuti upina ulayalondelela.

Mapinda 4:23

Apa vintu vyonsi uwasunga umwenzo wako. Pano umwaya intulo izikapela umi.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Yelemiya 34:14

Cila myaka cinimbali ndi yapita, cila wenga ali nu kulekelamo umuzya wino wiza waikazya kuno muli, apakuti nawe aikalile wenga. Ukuya kwene alinzile waya umuzya apa myaka mutanda kuno muli. Nga alinzile walekwamo apakuya umuntungwa. Lelo ivikolwe vinu vitanguvwile foo, nanti panono.

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.

Mateo 20:15

Uzye ntakweti nsambu yakucita cisuma cino nkasi pa mpiya zyane? Uzye pacani wanzuwila pa nsambu yane.’ ”

Malango 15:1

“Lyonsi ndi papita imyaka cinimbali muce mwasuulako ku nkongole.

Malango 24:15

Cila wanda lino ilanzi litali liwe ulinzile kumulipa, pamulandu wakuti wene umupina nupya akupaalila kulipilwa. Pano limwi angailizyanya kuli Yawe nga nawe ungapelwa umulandu wa kwifya.

Malango 31:10

Alino Mose ayapeela ilamulo ati, “Lyonsi ndi papita imyaka cinimbali, lino umwaka wa kusuula sile ku nkongole wafika,

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Yakobo 5:9

Inane, mutailizyanya wenga pa muze pakuti Leza atace amupingule. Kapingula watapalama, nupya ali pipi nu kuloleka.

1 Petulo 4:9

Mwazengelana mu mang'anda inu kwaula kuilizyanya.