Malango 15:15 - Amazwi Yakwe Leza 2013

¹⁵ Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 15:15 ပူးပေါင်းရင်းမြစ်များ

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Ezaya 51:1

Yawe wavwanga wati, “Uvwini kunondi mwe yano mukalonda ukupusuka, mwemuno mukasi mwilile kunondi uku kulenga uwazwilizyo. Iusini iciliwe cino mwatuntuka kweneko nga ni mbu muno yakwimvile.

Yelemiya 16:14

Nga lelo Umwene wavwanga wati, “Lola amanda yaliza lino yalata ukulapa yati, ‘Umwi zina lyakwe Leza waumi uwafumizye aina Izlaeli mu mpanga ya Eguputo.’ ”

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

Efeso 4:32

Mu cifulo cakwe vii, muye nu luse na mizu kuli cila muntu munomuli. Mwaelelana ndi vino Leza wamwelela kupitila muli Klistu.

Malango 15:14

Uye umuntu wa wila kunoli nu kumupeela pa vintu vino Yawe wakupolelela ivili wa viteekwa vyako, imbezu ukufuma pa lwano lwa kupuulila, na waini.

Malango 15:16

“Lelo umuzya wako atangalonda ukupita akusye. Limwi wene angakutemwa atemwe na amu ng'anda yako nga cimuzanzye ukwikala.

Malango 16:12

Mwaiusya ukuti mwali azya mu mpanga ya Eguputo, ali cino fwandi mulinzile ukulondela amalamulo yaa ningo.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Yoane 3:16

Twamanya vino kutemwa kwaya pano Klistu wapile umi wakwe pamulandu witu. Uli mulandu uno naswe kwene tulinzile kupeela umi witu pamulandu wa antu yauze.