Malango 15:11 - Amazwi Yakwe Leza 2013

¹¹ Insita zyonsi kulaya aina Izlaeli apina nupya aulilwe, acino nkumupeela ilamulo kuti muye antu ya wila kunoyali.

Malango 15:11 ပူးပေါင်းရင်းမြစ်များ

Kufuma 23:11

Lelo mu mwaka uwalenga cinimbali icalo cico ucilalika. Antu apina amu mutundu winu aliwo yangalya cimbuka uwamu calo cico, alino inyama zyamu mpanga zingalya ivyasyala. Mwacita icili conga nu ku vyalo vya matingi ni vya miolivi kwene.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Mapinda 22:2

Umukama nu mupina yonsi icili conga, pano Yawe aliwe wayapanzile.

Mapinda 31:20

Akakonzolola ikasa lyakwe nu kupeela uku alanda, nga na kuli yao akulondekwa ukwazwiliziwa.

Ezekelo 18:7

Asifyenga umuntu ali wensi, lelo akalipa kamukole apakwazima. Asipoka kantu ku maka, akapeela uwanzala vyakulya nu kuzwika wiyo ali tupu.

Mateo 26:11

Apina mukaya nao pe, lelo nemo mutalaya nani pe.

Mateo 5:42

Uwakulenga cimwi mupele, na wino akulonda ukukongola kunuli utamukanya.

Mako 14:7

Apina mukaya nao pe, nupya mungayazwa nsita yonsi ndi mukulonda. Lelo nemo mutalaya nani pe.

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Yoane 12:8

Apina mukaya nao pe, lelo nemo mutalaya nani pe.”

Milimo 2:45

Yakazyanga vyuma vyao nu kwankanya impiya kuli yonsi kulingana na vino cila muntu ulilwe.

Malango 15:7

“Ndi cakuti mu musumba onga pa misumba iya mpanga ino Yawe akumupeela mwazanwa umunyonko umwina Izlaeli uwataulilwa cimwi, lyene mutakezye ukukwata ulusoko kunoli nupya mutakezye ukukana ku mwazwilizya.

Malango 15:8

Mucifulo cakwe cico, muce muye antu ya wila nu kukongwesya umwi ukulingana na vino angalonda.