Malango 13:17 - Amazwi Yakwe Leza 2013

¹⁷ Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

Malango 13:17 ပူးပေါင်းရင်းမြစ်များ

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 28:14

Ndalenga kuti ana yako yavule wa musensenga uwamu nkumba yakwe Yemba. Ana amu mupanda wako yalasalangana ukuya mu ntunga zyonsi izya nsi. Kupitila munuli nu mu amu mupanda wako indapolelela antu amu nko zyonsi.

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Masamu 85:3

Watuta nu kuyakalipila, ni cipyu cako icikalipe caticisila.

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Kufuma 32:12

Uzye mukulonda kuti aina Eguputo yakavwange yati, wayafumizye mu Eguputo nu uteyanyo wakuti ukayakome ku myamba nu kuyonona yonsi pyu? Wezya umwenzo wako, utonona antu yako lelo uyelele.

Nyimbo zya ndosya 3:32

Nanti angala limwi atukalipile, wene akatutezela pano watukwatila uluse, nalo pasi paukulu.

Ezekelo 37:26

Umuomvi wane Davidi ali wino alayateeka pee na pee. Ndapangana nayo upangano uwakuti yace yasininkizya ndi vino yalaikala amanda pe umu longo. Ndayasandulula pakuti yace yakaye nyanya, nupya nemo ndasonta ni ncende yonga iya kumpepelapo umu mpanga yao, nu kuyelelela ali muno ice iyelele pee.

Oseya 11:9

Ntalakuvunuka mu ukali wane, ntalakonona we Efulemu, pano nene indi Leza, insi muntu awe. Nene, Wamuzilo wilya, indi namwe. Nupya ntalawela kunomuli ku kwiza monona.

Mpendwa 25:4

Alino Yawe anena Mose ati, “Tola intunguluzi zyonsi izya ina Izlaeli uzikome pa lwalala pa manso yane pakuti intakatale insokele aina Izlaeli nupya.”

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

Malango 13:18

cikulu sile namwe mwayela Yawe Leza winu, nu kusunga amalamulo yonsi yano nkumupeela pilelo nu kucita ivilungame pa manso yakwe.”

Malango 30:3

ale lyene Yawe alaya na mizu panomuli. Alamuwezya nupya ukufuma ku nko kuno wamusalanganyizizye nu kumupeela ulongo.

Malango 30:5

Wene alamuwezya ku mpanga iyali ya vikolwe vinu nu kumupeela kuti iye iyakwinu. Nupya alamupeela ulongo ulwakuti mukasande ukuluta ni vikolwe vinu.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

Malango 7:26

Mutaca mwezye ukuleta akaluwi nanti konga mu mang'anda inu, pano limwi intipu izili pano yali zingaya panomuli. Mulinzile kupata nu kusausya utuluwi tuu, pamulandu wakuti Yawe watutipwila.

Yoswa 22:20

Iusyini vino Akani umwana wakwe Zela wakanyile ukuyela ilamulo ilya pa vintu vino vyapeelwa ku kononwa. Cico calenzile kuti iuvi lyonsi ilya ina Izlaeli livunukwe. Atali aliwe wenga sile uwafwile pamulandu wi iifyo lyakwe.’”

Yoswa 6:18

Alino namwe muisunge ku vintu vino vyapeelwa ku kononwa, kuti mutailetelela uwononesi pa kulondela ulunkumbwa lwa kuitolela cimwi pali vino ivipelwa ukononeka. Pasi pano ndi mwacita vivyo insakwe yonsi ya ina Izlaeli ale yapeelwa ukononeka nu kuiletelela uzanzo.

Yoswa 6:24

Alino iyoca umusumba onsi na vyonsi ivyali mwenemo, lelo yika siluva na zaabu nga ni viombelo vya mukuwa mu cipao camu Ng'anda ikulu yakwe Yawe.

Yoswa 6:26

Pa nsita ilya Yoswa avwanga amazwi yaa amisindicila akuti, “Si citipu cakwe Yawe cikaye pa muntu wino aliza ku kukuululula umusumba uu, wa Yeliko: pakusokola umufula wauko, cazipa akafwilwe umwana wakwe umonsi wiyeli, na pakusimpa impongolo zyakweo, cazipa akafwilwe umwana wakwe umonsi kasuli.”

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Yoswa 7:26

Alino iyatulikapo nu mutumba wa mawe ukulu sana. Umutumba uu na ndakai apano waya. Ali cino ukufika na pilelo pantu papa yakapaama yati Cifoloma ca Akoli. Awe lyene nu ukali wakwe Yawe pali pakusila.

Yoswa 8:28

Acino Yoswa aoca umusumba wa Ai nu kuusangula itongwa lya pe, wakwe vino lyaya ukufika na pilelo.