Malango 13:13 - Amazwi Yakwe Leza 2013

¹³ ukuti antu yamwi awelewele yatiyazunya akaya amu misumba iyo pakuti yatumikila tuleza tuze tuno mutatala mwapepa.

Malango 13:13 ပူးပေါင်းရင်းမြစ်များ

2 Samueli 16:7

Syimei atipwila Davidi ati, “Senka pano, senka pano, we mutazi wa katwe we! We mpulamasunde we!

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 23:6

Lelo antu asyacindika Leza yakoline ni myunga ino yasumbwa. Kusi umwi angezya ukuivuta ku minwe.

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

1 Yamwene 21:13

Lyene antu yaya yaili viwelewele yiza yikala ulunga na Naboti. Alino iyatandika kupeela Naboti umboni waufi papa kwene pa manso ya antu, yati, “Naboti watatuka Leza pamwi nu mwene.” Acino antu yalya yafumizya Naboti kunzi ya musumba, akuno yaya yamutama na mawe mpaka afwa.

2 Yamwene 17:21

Pacisila cakwe Yawe ukupaalukanya aina Izlaeli na Ayuda, aina Izlaeli yasonsile Yeloboamu ukuya umwene wao. Yeloboamu wiyo uwalesile kuti yasye Yawe, nu kuyatwala umu nkota zimwi izikulu!

2 Milandu 13:7

Ni viwelewele vya antu navyo vyamulondelezya, vyawila kuno ali. Vyatandika nu kupatikizya Leoboamu umwana umonsi wakwe Solomoni apamulandu sile nu wance wakwe, nawe waposiwa ukuyakanya.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

2 Kolinto 6:15

Uzye Klistu a cuza wakwe Satana? Uzye ataila Mwene yangalemana uli na antu atamutaila?

Malango 13:12

“Lino mukwikala mu misumba ino Yawe Leza winu akumupeela, limwi munguvwa

Malango 13:14

Ndi muvwa impwelo iya musango uu, mulinzile kulondelezya ningo. Ndi cakuti icacumi umuntu wiyo wacita icamusango uu,

Malango 13:2

pakuti amukoope ku kupepa nu kutumikila tuleza tuze tuno mutatazile mupepe. Nanti angala cino walaya ciza cafikiliziwa,

Malango 13:6

“Umunyonko umwi nanti umwana wako umonsi nanti umwanaci, nanti umuci wako wino watemwa nanti acuza wako uwapa mwenzo angezya ku kutunkola mu umfisolo kuti wapepa tuleza tuze, tuto tuno ivikolwe vinu vitatazile vipepe.

Malango 17:4

Ndi cakuti icamusango uwo cuvwika ku matwi inu, lyene mulinzile ukulondelezya umulandu ningo. Ndi cakuti icacumi ukuti icamusango uwo caticicitika mu Izlaeli,

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

Yuda 1:19

Yaa, ali antu akamupaatukanya, akatungululwa ni vya lunkumbwa lwa civyalilwa cao, nupya yasi na Mupasi Wamuzilo.

Yakapingula 19:22

Walanga aisikulu yacili yakuilyokezya, antu yamwi amu musumba ulya ankota iyalizizya ing'anda. Iyapuma ku cisasa, nga iyapunda sana ku mukote wilya yati, “Fumizya panzi umuntu wiyo uwataiza ukwako kuti tuulungane nawe.”

Yakapingula 20:13

Lyene letini yakacita yampulupulu amu Gibeya kunotuli pakuti tuyakome nga tusisye inkota ii mu mpanga ya Izlaeli.” Lelo amu mutundu wakwe yakanyile ukuvwa ku yauze aina Izlaeli.

1 Samueli 10:27

Lelo intalanganyi zimwi zivwanga iziti, “Uzye umuntu kwene wii angatutuula uli?” Yene yasuuzile Saulo nupya yatamuletile nanti uwila umwi. Lelo wene wasuuzile sile.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”

1 Samueli 25:25

Mukwai napapata, ala we musambazi utasumba amano kuli Nabali, umuntu wilya uwa lukang'ansi. Wene iciwelewele ndi muno izina lyakwe lyalola. Ni micitile yakwe iya uwelewele! Lelo nemo ne muomvi wako, we musambazi, ntalimbweni antu yano wali watuma.