Malango 12:32 - Amazwi Yakwe Leza 2013

³² “Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 12:32 ပူးပေါင်းရင်းမြစ်များ

2 Yamwene 17:37

Lyonsi muce mwalondela ivyeo vyane na masunde yane yano namulembile. Mutakalondele tuleza tuze.

Mapinda 30:6

Mu mazwi yakwe, kutaya uwakuti aungilizyemo kamwi, pa koopa ukuti angakukalipila, nupya ungasinilwa ukuti wewe wantumpu.

Ezekelo 44:5

Yawe ali pakunena ati, “We mwana wa muntu, teka umwenzo, lolekesya ningo, uvwikisye navino nkukulondolwela. Vyonsi ivya pa Ng'anda ikulu yalwe Leza na masunde akuwaka aevi. Uwalola ningo yano yalinzile kuzumiliziwa ukwingila mu Ng'anda ikulu yakwe Leza na yano yatange yazumiliziwe ukwingila umu Ncende yamuzilo.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Malango 13:18

cikulu sile namwe mwayela Yawe Leza winu, nu kusunga amalamulo yonsi yano nkumupeela pilelo nu kucita ivilungame pa manso yakwe.”

Malango 19:9

lyene muce musolole imisumba nayuze itatu iyakuzina mwenemo. (Wene alamupeela impanga ii ndi cakuti mulacita vyonsi vino nkumupeela ilamulo ilelo kuti mucite, nu kutemwa Yawe Leza winu nga nu kucita iviine na masambilizyo yakwe.)

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Yoswa 1:7

Wewe kwene ule uposye nupya uzyansye. Utekele nu kuyela amasunde yonsi yano umuomvi wane Mose wakupezile. Utakezye kutazyela isunde nanti lyonga pali yayo, nga lyene ulaya nu longo konsi kuno ulaya.