Malango 12:30 - Amazwi Yakwe Leza 2013

³⁰ Pacisila lino Yawe alamalila ukonona antu amu nko zizi, namwe muce mutekele pa kukana londelela imipepele yao, pamulandu wakuti mungailetelela pa kuuzya imuti, ‘Uzye mu musango ci uno antu amu mitundu ii yakatumikila tuleza twao? Naswe kwene tulinzile ukucita vino yakacita.’

Malango 12:30 ပူးပေါင်းရင်းမြစ်များ

2 Yamwene 16:10

Lyene Aazi aya uku Damasiko uku kukomenkanya Tigilati Pilesa umwene waku Asilya. Alino atumila simapepo Uliya icipimo ca kavuwa wa cilangililo cakwe cico cino caya vivi kwene sile ndi muno kakuulilwa.

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Yelemiya 10:2

Wene wavwanga wati, “Mutasambilila imisango ya antu amu mitundu yuze. Mutazakaza vimanyililo vya mulwelele, nanti angala imitundu yuze ikavyoopa.

Ezekelo 11:12

Alino mulamanya ukuti nene Yawe, wino mwakananga ukulondela amasunde yane nu kuwaka ivipope vyane, mukulondelela sile imisango ya mitundu ino yamuzinguluka umu mbali.”

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 20:32

Mwemo mwapanga mpiti mu myenzo inu ukuya wa antu ya mitundu yuze, mwemo mwapanga ukuya wa antu yauze aikala mu mpanga zyuze, akapepa vimuti, amawe, lelo kuno muli citalatala ciye vivyo foo.”

Aina Levi 18:3

Mutalondela micitile ya ina Eguputo kuno mwatenzi, nanti micitile ya ina Kenani, ku mpanga ino nkumutwalako ndakai.

Aina Levi 18:30

Nupya Yawe avwanga ati, “Mwayela malamulo yano nkumupeela, nupya mutalondela micitile ya antu yano yakwikala mu mpanga ino mukwingilamo. Mutailenga ukuya amifitalila pa kucita cimwi camu vintu vii. Nene indi Yawe, Leza winu.”

Mpendwa 33:52

mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Malango 11:16

“Muce mutekele pano limwi mungaca musombwe pakuti mumfutatile nga mukaapepa nu kutumikila tuleza tuze.

Malango 12:29

“Yawe Leza winu alonona antu amu nko zyuze lino mulasawanga impanga yao, nga namwe mulapoka impanga iyo nu kwikala mwenemo.

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

Malango 18:9

“Lino mulingila mu mpanga ino Yawe Leza winu akupeela kunomuli, mutaca mulondele vicitwa vyawinyi vino antu amu nko zizi yakacita.

Malango 20:18

Mulinzile mwayakoma, pakuti yatakaleke kuti mwifye Yawe pakusambilizya mwemwe ukucita vintu vyonsi ivyawinyi vino yakacita mu kupepa tuleza twao.

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.