Malango 12:23 - Amazwi Yakwe Leza 2013

²³ Lelo cisi cakwezya ukulya inyama lino icili nu wazi, pamulandu wakuti uwazi umwaya umi. Fwandi mutalinzile ukulya umi ni nyama kwene.

Malango 12:23 ပူးပေါင်းရင်းမြစ်များ

Utandiko 9:4

Lelo mutakezye ukulya inyama muno mucili uwazi, pano uwazi uli umi wakweyo.

Ezekelo 33:25

“Caleka uyanene uti, ‘Yawe Simwandalali wavwanga wati, Mwemo mukalya inyama ino icili nu wazimo. Mukapepa utuluwi twinu, nupya mwemwe yacikoma. Uzye fwandi icingalenga ukuti impanga ii iye iyakwinu, icani?

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 17:11

Pano umi wa ciumbwa consi waya mu wazi. Uli mulandu uno ne Yawe namupeelile uwazi pakuti mupepele umi winu pa kavuwa ipepo lya lutambi lwa kufuta amaifyo inu. Pano uwazi auno ukalipilwa pa maifyo inu.

Aina Levi 19:26

“Mutasaapola nanti ukucita vya ulozi.

Aina Levi 7:26

Nupya konsi kuno yalikala, kusi kulya uwazi uli onsi, wa vyunyi nanti wa nyama.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Malango 12:16

Lelo mutaca mwalya zino zicili nu wazi. Uwazi wene muce mwawitila pansi wa manzi.

Malango 12:22

Mwensi pyu, ciye mwemwe asangululwe nanti akowele, mungalya inyama zizyo wakwe vino mukalya inyama ya mpanga, ili wakwe mpombo nanti mpelembe.

Malango 12:24

Mutaca mwezye ukulya uwazi. Uwazi wene muce mwawitila pansi wa manzi.

Malango 15:23

Lelo mutakezye ukulya uwazi. Mulinzile ukupongolwela uwazi pa musili wakwe vino mukaitila amanzi.”

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

1 Samueli 14:32

Icaleka antu iyaisumba pa visampwe vino yapokolwile umu nkondo. Iyatola imbuzi ni mfwele, ing'ombe nu twana twa ng'ombe, nga iyavifyula pa musili apatali nanti icimelwa, nga iyalya inyama kumwi nu wazi mwenemo.

1 Samueli 14:33

Lyene umuntu umwi anena Saulo ati, “Silola! Antu yiifya kuli Yawe apakulya inyama kumwi nu wazi mwenemo.” Saulo nawe avwanga ati, “Mwemwe yasomvi. Kunkulusini iciliwe icikulu kuno likwene.”