Malango 12:18 - Amazwi Yakwe Leza 2013

¹⁸ Mwemwe kwene kumwi na ana inu, aomvi inu alino na ina Levi akaikala ku misumba inu muce mwavilila vivyo vyonsi pa manso yakwe Yawe Leza winu, pa ncende yonga mpo iyakupepela penepo. Papo kwene ali pano muce mwaliila nu kusansamuka pa vintu vyonsi visuma vino Yawe Leza winu wamupeela.

Malango 12:18 ပူးပေါင်းရင်းမြစ်များ

Masamu 32:11

Mwasansamuka mwensi mwe yakacita yaololoke, apamulandu navino Yawe wacita! Mwensi mwe muno mukamuzumila pundini ni nsansa, umilini utupundu!

Masamu 68:3

Lelo asuma yene, yalasansamuka nu kuzanga pa cinso cakwe, yalasansamukisya wakwe cimwi.

Mapinda 3:17

Amano yakaletela umuntu uluzango umu wikazi wakwe, yakalenga nu kuti aikala mu mutende.

Kasambilizya 3:12

Acino nilwike ukuti cino swemo tungacita ukukwata insansa nu kuomba vino tungaomba lino tucili nu umi.

Kasambilizya 5:18

Acino nemo nazana ukuti icintu cisuma cino umuntu ali wensi angacita, ukulya nu kumwa nga nu kuilyokezya pa vintu vyonsi vino waombela mu umi wakwe uwipi uno Leza wamupeela. Kusi icintu nacuze cino umuntu angacita.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Milimo 16:34

Pacisila cakwe vii ayatwala ukwakwe nga ayapeela vyakulya. Aliwe pamwi na amu ng'anda yakwe yali nu luzango, pano ndakai yataila muli Leza.

Milimo 2:46

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Malango 12:14

Muce mwatuulila amawila inu akoca pa ncende yonga sile ino Yawe alasolola, apakasi ka mutundu onga mu mitundu inu. Papo kwene sile ali pa kutuulila impolelwa zinu zyakoca nu kucitila penepo ivintu vyonsi ndi vino namupeela ilamulo.

Malango 12:19

Mutaca mulekelezye aina Levi yano mwikala nayo mu mpanga inu.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Malango 14:23

Alino muce mwaya pa ncende yonga sile ino Yawe wasolola ukuti ingaya incende ya cifulo ci zina lyakwe. Kuko kwene pa manso yakwe Yawe Leza winu ali kuno mungaliila icipande conga pa vintu ikumi ivya uzombozi winu, ivili wa vilimwa, waini, amafuta ya miolivi alino na mayeli ya ng'ombe zinu ni mfwele. Muce mwacita vivyo pakuti musambilile ukulanga icoopo kuli Yawe Leza winu mu nsita zyonsi.

Malango 15:20

Cila mwaka mwemwe pamwi na amu ng'anda zinu muce mwazifyula nu kuzilila pa manso yakwe Yawe pa ncende yonga ino wene wasolola.

1 Samueli 1:4

Ilili lyonsi lino Elikana wapeelanga impolelwa yakwe, wene wapeelanga icipande conga ica nyama kuli Penina nga ni cuze apeela kuli cila wenga pa ana yakwe.