Malango 12:17 - Amazwi Yakwe Leza 2013

¹⁷ Monsi muno mulaikala mutaca mwatola nu kulya icikumi ca pa mbezu zinu, nanti waini, nanti amafuta ya miolivi, nanti iyeli lya ng'ombe nanti imfwele zinu, nanti uwila uli onsi uno mwalaya ukupeela kuli Yawe, nanti uwakuitemelwa kwene.

Malango 12:17 ပူးပေါင်းရင်းမြစ်များ

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.

1 Kolinto 10:18

Elenganyini pa ina Izlaeli. Yao akalya vyapeelwa impolelwa yakakumako ku kutumikila Leza pa kavuwa.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:26

Lelo mulinzile kutoola amawila inu apaatulwa pamwi na mawila yauze yano mwalaya ukupeela kuli Yawe, nga muye ku ncende ino Yawe alasolola.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Malango 26:12

“Ndi papita imyaka itatu lyonsi uce uwapeela icikumi pa vilimwa vyako ku ina Levi, nu ku inamasi, nu ku ana asyale, nga na kuli yamukamfwilwa, pakuti konsi kuno yalaikala yataca yulilwe cimwi icakulya. Lino wamala ukucita cico,

Malango 26:14

Nemo ntalile icikumi nanti acimwi lino nkulosya. Nemo ntafumya penepo icipande ica cikumi nanti acimwi nu kutwala apanzi lino ncili umukowele, nanti ukupeela ku afwe. Ala, we Yawe nemo nkakuyela nu kulondela amalamulo yonsi yano wapeela pa cikumi.

1 Samueli 1:4

Ilili lyonsi lino Elikana wapeelanga impolelwa yakwe, wene wapeelanga icipande conga ica nyama kuli Penina nga ni cuze apeela kuli cila wenga pa ana yakwe.