Malango 12:13 - Amazwi Yakwe Leza 2013

¹³ Mutakezye ukutuula amawila inu akoca pa ncende yonsi ino mwaitemelwa.

Malango 12:13 ပူးပေါင်းရင်းမြစ်များ

1 Yamwene 15:34

Wene wifyanga pa manso yakwe Yawe, nu kulondela imisango yakwe Yeloboamu nu kucita amaifyo yano walenzile na aina Izlaeli kwene ukwifya.

1 Yamwene 3:2

Pa nsita ilya walanga yatacili yakuule Ng'anda ikulu yakwe Yawe na antu nayo yapeelanga amawila apa ncende zino yakapepela mwenemo izipusanepusane.

2 Milandu 15:17

Nanti Asa wakanyile kuti atamole incende zino yapepelangamo tuleza, utuluwi apa myamba, wene watontelanga sile Yawe Leza amanda yonsi aumi wakwe pano nsi.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:14

Muce mwatuulila amawila inu akoca pa ncende yonga sile ino Yawe alasolola, apakasi ka mutundu onga mu mitundu inu. Papo kwene sile ali pa kutuulila impolelwa zinu zyakoca nu kucitila penepo ivintu vyonsi ndi vino namupeela ilamulo.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Yoswa 22:15

Lino yiiza ku Gileadi kuli Lubeni, na Gadi nu ku mutundu pakasi wakwe Manase, iyayanena yati,

Yoswa 22:29

Cipelele ukutali kuti swemo tusangukile Yawe nu kumufutatila ilelo pa kumukuulila kavuwa ka mawila yakoca, nu kupeelapo amawila ya cakulya ni mpolelwa, ukuluta kupelela pa kavuwa kakwe Yawe kano kali ku nkolelo yi Taalu lyakwe.”