Malango 11:24 - Amazwi Yakwe Leza 2013

²⁴ Ponsi pano mulalyata palaya pa ncende inu. Impanga inu ilatandikila ku lwanga ku kaeya ukufika nu ku Myamba ya Lebanoni ku katutu, nu kufuma ku Luzi lwa Yufulate ukufika kuli yemba waku uwondaka.

Malango 11:24 ပူးပေါင်းရင်းမြစ်များ

1 Yamwene 4:21

Uwene wakwe Solomoni watandikile ku Luzi lwa Yufulate mpaka nu ku mpanga ya ina Filisti, ukufika nu ku mupaka wa Eguputo. Antu amu mpanga zii yasonkanga imisonko kuli Solomoni nu kumutumikila amanda yonsi ya umi wakwe.

1 Yamwene 4:24

Pano wene wateekanga amawene yonsi ayela lwaku uwondaka wa luzi lwaku Yufulate, ukutandikila ku Tifisa mpaka ukufika ku Gaza, nupya mwali umutende mu mpanga yakwe ni mpanga zyonsi izyamuzingulwike.

2 Milandu 9:26

Uwene wakwe walundulwike ukutandikila sile uku Luzi lwa Yufulate mpaka ukufika uku mpanga ya ina Filisti nu ku mupaka waku Eguputo.

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Yowelo 2:20

Ndafumya anisi aku katutu kuti yaye ukutali namwe, nupya ndayazingila uku lwanga. Ankolelo yene ndayazingila kuli yemba uwaku uwondaka. Acisila nayo ndayazingila kuli yemba uwaku ufumondaka. Lyene ivyala vyao vilaola nu kutandika ukununka.” Icumi kwene Yawe alacita ivikulu.

Malango 1:7

Pangululini insakwe zinu nga muye ku nkolelo. Yangini ku mpanga ya myamba iya ina Amoli nga nu ku ncende zyonsi izizingulwike lwaku Cifoloma ca Yodani, ku mpanga ya myamba nu ku mpanga zitambalale, lwaku kaeya, nga nu ku nkumba yakwe Yemba wa Adiliya. Yangini ku mpanga ya Kenani mupitilile kucila pa Myamba ya Lebanoni mufike nu ku luzi lukulu lwa Yufulate.

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 12:20

“Lino Yawe alakuzya impanga inu, wakwe muno walavile, muce mwafyula inyama nu kulya pano mukulondela.

Malango 34:2

Alino ni mpanga sile yonsi iya Nafutali, iya ina Efulemu ni ya ina Manase, iya ina Yuda ukufika sile na lwaku uwondaka kuli Yemba wa Adiliya.

Yoswa 14:9

Pa wanda ulya Mose alapa nu mulapo kunondi, ati, ‘Impanga ino ulwazo lwako lwalyasilepo ilaya icaupyanyi cako ni ca ana yako amanda pe, pamulandu wakuti wemo nu mwenzo onsi wacisile ivyalondanga Yawe Leza wane.