Malango 11:13 - Amazwi Yakwe Leza 2013

¹³ “Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 11:13 ပူးပေါင်းရင်းမြစ်များ

1 Yamwene 3:3

Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.

Masamu 119:4

We Yawe wakonkomizye ivyeo vyako ukuti vyasungwa ningo.

Yelemiya 17:24

Ali cino fwandi Yawe walanda wati, “Nena antu yaa ukuti yalinzile kuyela masunde yane yonsi. Yatalinzile kusenda iciviya cinyome cili consi apa mpongolo zya musumba wa Yelusalemu pa wanda wi Sabata. Yalinzile kucindika wanda wi Sabata nu muzilo nupya yatalinzile kuombamo umulimo uli onsi.

Ezekelo 34:26

Ndaleka ikale ukuzinguluka umwamba wane. Ndatonyezyamo imvula pa nsita ilinge, nupya ilaya imvula ya upolelelo.

Aina Levi 26:3

“Ndi mwalondela amasunde nu kuyela malamulo yane,

Aina Levi 26:4

nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Malango 11:22

“Ndi cakuti mwayela amalamulo yonsi yaa yano nkumupeela kuti mwayalondela, ukutemwa Yawe Leza winu, nu kuyela amasunde yakwe yonsi nu kuya acumi kunoli,

Malango 11:8

“Caleka mwayela amalamulo yonsi yano nkumupeela ilelo, pakuti muce mukwate amaka aku lamba Luzi lwa Yodani nu kupoka impanga ino ilaya iyakwinu.

Malango 28:1

“Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Malango 6:17

Sininkizini ukuti mwayela amasunde yonsi yano wene wamupeela.

Malango 7:12

“Ndi mwasumba amano ku masunde yaa nu kutekela ukuyalondela, ale lyene Yawe Leza winu alatwalilila ukuwaka upangano wakwe uno wacisile namwe nupya alamutemwa nu kutemwa kwakwe ukwa pe, wakwe vino walavile ivikolwe vinu.