Malango 1:15 - Amazwi Yakwe Leza 2013

¹⁵ Acino natoozile intunguluzi zyamano zilamoke zino mwasolwile ukufuma mu mitundu inu, nga nzipeela uwangalizi kuti zyamwangalila. Zimwi zyangalilanga antu izimbi, zimwi zyangalilanga antu umwanda, zimwi zyangalilanga antu amakumi yasano, na zimwi zyangalilanga antu ikumi. Nasolwile na yacilolo yauze mu mitundu yonsi.

Malango 1:15 ပူးပေါင်းရင်းမြစ်များ

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Kufuma 24:1

Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

Mpendwa 1:4

Mutole muli cila mutundu umonsi wenga, umukalamba wa luko wakuti amwazwilizye.

Mpendwa 31:14

Mose pasi pakusokela intunguluzi zya vita vyonsi, yamusika akalamba ampuka ya vita cila izimbi lyonga, alino na yamusika akalamba ya vita umwanda onga awezile ku nkondo.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Malango 1:14

Namwe mwazumile ukuti icintu cii icisuma ukucita.

Malango 1:16

“Pa nsita ilya nakonkomizye yakapingula inu inti, ‘Mwauvwa imilandu ino antu inu yamaletanga kunomuli. Mulinzile kupingula cila mulandu ukwaula ulufyengo, cisi cimwi ndu mulandu uli pakasi ka antu inu nanti ndi uli pakasi kinu na inamasi yano yakwikala namwe.

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

1 Samueli 17:18

Alino senda nu lwambu luu ulwi ziya, umu ntungo ikumi utwalile musika mukalamba uwa vita. Yanga kalole anyonko ndi yali umutende uce undetele ni cisininkizyo ukufuma kunoyali.

1 Samueli 22:7

Saulo fwandi pali pakunena antu yakwe ati, “Uvwini kuno mwe antu yakwe Benjamini! Uzye icumi umwana wakwe Yese alamupeela impanga ni vyalo vya matingi? Uzye wene alamucita mwensi ukuya yamusika akalamba ya vita amazimbi nga na a myanda?

1 Samueli 8:12

Yamwi nayo alayalasika ukuya yamusika akalamba ampuka ya vita amazimbi na ampuka amakumi yasano, nga na yamwi alayapeela umulimo wa kulima ivyalo nu kuzombola ivyakulya vyakwe. Nga nayauze alayapeela umulimo wakupanga ivyanzo nga ni viombelo vya maceleta yakwe.