Malaki 3:7 - Amazwi Yakwe Leza 2013

⁷ Ukufuma sile ku manda ya vikolwe vinu mwemo mwafutatila ivipope vyane, nupya mutavisunga. Ndi mwawela kunondi, nani kwene ndawela kunomuli. “Lelo mwemo mukuti, ‘Uzye tulinzile kucita vyani pakuti tuwelele kunuli?’ ”

Malaki 3:7 ပူးပေါင်းရင်းမြစ်များ

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Ezaya 65:2

Nemo lyonsi naya umwi umuiteyanye ukuzengela antu yaa, nanti yene yakaluvyanyizizya sile itolo, nu kuicitila vino aeneco yaitemilwe.

Yelemiya 16:11

Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 16:12

Lelo mwemo mwifya ukuluta yaso. Si lolini vino cila wenga akulondelela ulukumbwa lwa mwenzo wakwe wiipe, ukwaula nu kunguvwa foo.

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 7:25

Ukutandikila sile pa wanda uno ivikolwe vinu vyafumile umu Eguputo ukufika ni lelo kwene, nemo natwalilile ukumutumila aomvi yane, yakasema.

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Ezekelo 2:3

anena ati, “We mwana wa muntu, nkukutuma ku ina Izlaeli, yacisanguka ansangukila. Yansangukila ukufika na pilelo, alio kwene kumwi ni vikolwe vyao.

Ezekelo 20:13

Lelo kwene nu mu lwanga kwene namo kwene yansangukile nupya yatapitanga nu kulondela amasunde yane, yasuulanga ni vipope vyane, vino yali nu kuwaka kuti yalolelemo uumi. Yene yasuulilila ne wamuzilo yonona na Masabata yane. Nani ali pakupanga kuyaponyezya ukali wane mu lwanga nu kuyalovya mumu kwene.

Ezekelo 20:21

“Lelo nupya kwene inkulo iya nayo kwene yansangukile. Yene yasya umwi sunde lyane, yakana nu kuwaka ivipope vyane, ivintu ivilinzile kuyaletela yonsi umi ndi yakuvilondela. Yasuulila kumwi ni Sabata kwene. Nani ali pakulonda kuyafulula ukali ukali nu kuyakoma yonsi mumu kwene mu lwanga.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 20:8

Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Zakaliya 1:3

lelo ndakai ne Yawe Wamaka Onsi nkumunena ukuti welelini kunondi, nga nani namawela kunomuli.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Malaki 3:13

Yawe wavwanga wati, “Mwemo mwalanda amazwi aipisye apali nene. Lelo mukuuzya muti, ‘Uzye ivyani vino twalanda ivyapali wewe?’

Mateo 23:27

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukoline na malindi yano yatakasa nu mula kunzi yano kunzi yakaloleka ayembe, lelo mukasi kakweyo mwazula mafupa ya antu afwe nga ni vintu vyonsi viole.

Luka 15:16

Lyene akumbukila kulyako vinkapala vino yakapoli yakulya, pano patali nanti umwi uwa kumupeela cakulya.

Loma 10:21

Lelo pamulandu wa ina Izlaeli Leza wavwanzile ati, “Uwanda onsi nakonzolwile makasa yane kuti nzengele antu atalame nupya akansangukila.”

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.

Loma 7:9

Nani kwene mpiti nali nu umi lino ntali manye Masunde, lelo lino natandike kumanya Masunde, iifyo nalyo liya na maka, nga

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!