Malaki 3:17 - Amazwi Yakwe Leza 2013

¹⁷ Yawe Wamaka yonsi wavwanga wati, “Antu yayo yalaya akwane. Pa wanda uwo lino ndacita cimwi, yene yalaya akwane kololo. Ndaya na mizu kunoyali ndi vino umukwasi akaya na mizu ku mwanakwe wino akamutumikila.

Malaki 3:17 ပူးပေါင်းရင်းမြစ်များ

Neemiya 13:22

Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

Masamu 115:13

Yawe amapolelelanga yayo yonsi akamoopa akama kumwi na apina.

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Kufuma 19:5

Ndakai ndi mumanguvwila nu kusunga upangano wane, lyene mumayanga antu yane pakasi ka mitundu yonsi ya antu. Nanti cingaya ukuti insi yonsi iyakwane, lelo mwemo mulaya antu yane asololwe.

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Lwimbo lwakwe Solomoni 2:16

Mukundwe wane wii, ala uwakwane nenga mpo, nani nene wakwakwe, wenga mpo. Akacemela ufyo wakwe mu malula.

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 43:21

Yaya kwene ali antu yano naipangile, kuti yaimbila inyimbo zyakundumbanya.”

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Zefaniya 2:2

lino anisi inu yatali kuti yize yamusende ndi vino umuza ukaululula cungu, lino ukali wakwe Yawe utali umuponele, lino uwanda wa ukali wakwe utacili wize.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Malaki 4:3

Pa wanda ulya lino ndacita cimwi, mwemo mulacimvya yakaifya nayo yalaya wi twi uku ngazo zinu. Ne Yawe Wamaka yonsi navwanga.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

1 Kolinto 15:23

Lelo cila muntu alazyukuka pa nsita yakwe. Klistu uwali uwankolelo kuzyukuka, nga antu yakwe nao yalazyukuka lino alawela.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Galatiya 5:24

Yao ali yakwe Klistu yene yata ivya untunze wao nga ni vilondwa vyauko.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.