Malaki 3:16 - Amazwi Yakwe Leza 2013

¹⁶ Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Malaki 3:16 ပူးပေါင်းရင်းမြစ်များ

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

2 Samueli 7:1

Lyene Davidi wasuka wikala umwi sano lyakwe, na Yawe asuka amucingilila ku anisi yakwe amuzunyanga lililili.

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

1 Yamwene 18:3

Aabu ali vino wamile Obadiya, kangalila wa yaomvi akwisano. (Obadiya wiyo wali aumwi uwatontelanga Yawe.

2 Milandu 6:7

Solomoni atwalilila ukuvwanga ati, “Ukuya kwene, tata Davidi walondanga uku kuula Ng'anda ikulu yakwe Leza iya kupepela mwenemo Yawe, Leza wa ina Izlaeli.

Neemiya 1:11

Lyene sungala uuvwikisye ipepo lya muomvi wako namapepo ya aomvi yako yonsi yano yatemwa ukucindika izina lyako. Napapata, ungaleka lyene umuomvi wako aye nu longo. Leka nu kuti umuntu wii, umwene Alitakisesi, aye nu luse kuno ndi.” Umu manda yalya ampiti anene kwene nalemelanga umwene ulwako lwakwe waini.

Esita 2:23

Umwene nawe alondelezya umulandu, nga azana ukuti icacumi avivyo kwene. Fwandi lyene yayo yoili iyaya yayakulikila uku cimuti. Alino umwene akonkomezya kuti yalembe umulandu uu umu lupapulo, apa manso yakwe, mumo umwalembwa imilandu ya mpanga ino yacitikanga umu nsita ni nsita.

Esita 6:1

Usiku wa wanda kwene ulya, umusambazi ataweni napakusempwila utulo. Acino anena akuti yalete ulupapulo umwaya imilandu iyakwiusizya amasunde amilandu yampiti na mpiti. Iyatandika nu kuwelengela umwene.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

Masamu 104:33

Nkanaimbila Yawe mu umi wane onsi. Nemo namalumbanyanga Leza wane lino ncili nu umi.

Masamu 111:10

Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!

Masamu 115:13

Yawe amapolelelanga yayo yonsi akamoopa akama kumwi na apina.

Masamu 119:63

Nene cuza wakwe yayo yonsi akakoopa, yayo yonsi akayela amasunde yako.

Masamu 139:4

Lino izwi litacili liye apa lulimi lwane, ala watumanya mpiti vino namavwanga.

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 16:3

Kuli yayo akaele aya muno nsi, ali yacindame yane yano nemo nkazangilamo.

Masamu 20:7

Yamwi yene yataila umu maceleta na yamwi umu mfwalasi yao. Lelo swemo twataila mwi zina lyakwe Yawe Leza witu!

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Masamu 34:15

Yawe aliwe ali kalinda wa ana asuma, nupya wene akauvwa ni nkuta zyao.

Masamu 56:8

Wemo wamanya vino nkacula, ukaiusya na minsozi yane. Uzye kwene vitatantikwa umu lupapulo lwako?

Masamu 56:9

Uwanda uno nemo ndapunda, “Tutulwe,” anisi yane yalapuuka. Cino nemo namanya sile icakuti, Leza waya nani!

Masamu 66:16

Mwe! Mwemwe mwensi mwe muno mwakwatila Leza icoopo, ndanji muvwe, namamunena vino Leza wancitila.

Masamu 94:19

Amizu yane nanti yangamvulila uli, wemo ukantekezya nu kunsansamusya.

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Mapinda 13:20

Akapita nu wa mano nawe kwene alakwata amano, lelo ndi mwapita na akapweeka, ala nawe kwene ulapweeka.

Ezaya 26:3

We Yawe antu yano yakasumba amano kuli wewe, nu kukutaila, leka yaikala umutende.

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

Ezaya 4:3

Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Ezaya 50:10

Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.

Ezaya 65:6

“Nemo napanga mpiti ukuyafulula, nu mulandu wao walembwa mpiti. Nemo ntalasuula sile foo, lelo ndayapezya,

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Yelemiya 8:6

Ninkutikila awe cumi ntange nuvwe kuno yakulanda vyampomvu. Kusi nanti wenga wino watazenzuka ku uyi wakwe, wakuti avwange ati, ‘Uzye icani cino nacita?’ Yonsi pyu yali sile apumboke nu kulondela inzila zyao kwati i mfwalasi ino yalucocoma umu nkondo.

Ezekelo 9:4

nga amunena ati, “Yanga kapitane mu musumba onsi wa Yelusalemu, uye ukalembe icimanyililo pa mausyu ya antu yonsi aakuteta nu kulila pamulandu wa vintu vyawinyi vii vyonsi ivikucitika mu musumba uu.”

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Luka 2:38

Pa nsita kwene lino akwasi yatwazile umwana Yesu mu Ng'anda ikulu yakwe Leza, Ana nawe aiiza ku kupeela intaizyo kuli Leza. Alino alanda pamulandu wa mwana kuli yano yonsi alolelanga kuti Leza akulule amu Yelusalemu.

Milimo 1:13

Alino Petulo, Yoane, Yakobo, Andeleya, Filipo, Tomasi, Batolomeo, Mateo, Yakobo (mwana wakwe Alufeo) na Simoni kalwisya wa untungwa nga na Yuda (mwana wakwe Yakobo), lino yafika mu Yelusalemu yakwela ku muputule wapapela muno iikalanga.

Milimo 10:2

Wene wali umuntu uwacindike Leza. Konelio pamwi na amu ng'anda yakwe yoopanga Leza. Wene wazwilizyanga Ayuda pakulu cuze, nupya wapepanga Leza lyonsi.

Milimo 2:1

Lino wanda wa Pentekosti wafisile, alondezi ala yati yakongana pali pamwi pa cifulo conga.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Efeso 5:19

Mwalanzyanya mazwi amu Masamu, mu nyimbo zya kulumbanya Leza nga ni nyimbo zyuze zya kulumbanya Leza mu myenzo inu.

1 Tesalonika 5:11

Acino mwakomelezyanya nu kwazwana, wakwe vino ndakai mukucita.

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

Ayebulai 10:24

Lekini twasakamala nu kwazwana nu kutemwa kucita visuma.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

Ayebulai 3:13

Lelo mwakomelezyanya amanda onsi lino insita iciliko ino mazwi yakwe Leza akati, “Ilelo” yatusoka pakuti kutaya umwi wino, iifyo lingamukomya mwenzo.

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.