Malaki 3:15 - Amazwi Yakwe Leza 2013

¹⁵ Lelo swemo twalola ukuti antu acilumba alio yali nu longo. Cumi kwene yakacita ya nkota alio yakaikala ningo, nupya yakaezya Leza uku vicitwa vyao. Lelo wene akayata sile.”

Malaki 3:15 ပူးပေါင်းရင်းမြစ်များ

Esita 5:10

Lelo Hamani azizimizya nu kuivulunganya kwati atasosile, apita aya nu ku ng'anda ukwakwe. Alino lyene aama yacuza yakwe nu kulenga Zelesyi kuti aize apali ponga nayo ukwakwe.

Yobo 1:22

Umu uzanzo uwo onsi, Yobo atatazile aifye nanti cimwi nanti ukupeela Yawe umulandu.

Yobo 12:6

Alino tala mulole! Aivi na antu atamanya Leza, yene yakaikalila ukwaula nu wakuyasonsomba. Fwandi yene amaka yao ali Leza wao.

Yobo 21:30

Pa wanda wa upinguzi, ndi muno antu yakavwangila, Leza atalavunuka aipe lelo yalikala sile ningo. Nu kupusuka alio yaliza yapusuke apa wanda uno Leza alasoka.

Yobo 22:23

Ndi wala waweluluka kuli Leza Wamaka yonsi, waicefya nu kuizilizya umukasi ka ng'anda yako,

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

Masamu 106:14

Ulwinswa lwayalema umu lwanga, nu kwezya Leza

Masamu 141:4

Utaleka umwenzo wane ulole ukukucita ivintu iviipe nu kuomba imilimo ya ukakasi pamwi na yano yakacita ivyamusalula. Nupya utaleka indye ivyakulya vyao nanti viye ivyamalila uli.

Masamu 49:18

Nanti sile lino wali pano nsi nu kuilola wa mupolelelwe, na antu ala yakumulumbanya apa ucindami wakwe,

Masamu 58:2

Awe! Umu myenzo inu mukacita ulufyengo. Nupya amwemwe kwene mukasansanta ni mpanzela pano nsi.

Masamu 73:12

Ica cumi, vivyo ivyaya antu aipe! Yene yakwata ivyuma ivingi, ni nsita zyonsi yakazanilapo navyuze!

Masamu 73:3

apa kuvwa uzuwa apa kulola kuno aipe nayo yakwata ulongo.

Masamu 78:18

Yezyanga Leza umwene uku mufulo sile, apa kumulenga icakulya cino yakulonda.

Masamu 78:41

Lili lili yamusonsombanga nu kuleka Wamuzilo wa ina Izlaeli asoke.

Masamu 78:56

Nga nalyo kwene yasangukile Leza Mukulu yamamusonsomba sile. Iyakana nu kutontela amasunde yakwe.

Masamu 95:9

Kuku kuno ivikolwe vinu vyantunsile nu kunjezya, nanti angala vyaweni ivicitwa vyane.

Mapinda 12:12

Ing'anda isuma yi lali ikaononeka uku aipe, lelo umufula wa muntu musuma usitengana.

Kasambilizya 8:14

Lelo kwene umu nsi ii mwaya ukuicuzya sile. Silolini ivikacitika umu nsi ii. Limwi antu akacita vyaololoke yakavunukwa na antu aipe alino antu aipe nayo yapokelela icilambu ca antu akacita vyaololoke. Nemo nkuti cii, icasilesile.

Ezaya 2:22

Ali cino fwandi mutaezya ukutaila umu muntu wasilesile, wiyo uwakwata sile umupu ukufuma umu mpuno zyakwe. Ata see, nga nawe uwacani? Pano wene uwakufwa sile!

Yelemiya 7:10

Mwemo mukacita ivintu vii vino napata, nga lyene mwiza mwimilila pa manso yane, mu Ng'anda ikulu yakwane kwene, nu kuvwanga muti, “Sweswe yacingililwe!”

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Danieli 6:16

Caleka umwene apeela ilamulo kuti yaleme Danieli nu kumusumbila mu ninga yakwe yacisama. Umwene anena Danieli ati, “Si Leza wako, wino ukatumikila lyonsi, ale akutuule.”

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Milimo 12:21

Pa wanda usololwe Helodi azwala vizwalo vya wene, aikala na pa cilimba cakwe ca wene nga avwanga ku antu.

Milimo 5:9

Caleka Petulo amuuzya ati, “Uzye pacani wemo nu wako mwati musolola kwezya Mupasi wa Mwene? Antu yano yafuma kukuzika uwako ndakai yali pa mulyango, nga nawe kwene yamakufumya yakusende!”

1 Kolinto 10:9

Tutalinzile kwezya Mwene, ndi vino yamwi munoyali yacisile nga pacisila yalumika ni nzoka, yafwa.

Ayebulai 3:9

Leza ati, kuku akuno yanjezizye nu kulola vino ne Leza ningacita nanti angala yaweni vino nacisile mu myaka makumi yani.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”