Malaki 3:12 - Amazwi Yakwe Leza 2013

¹² Lyene antu amu nko zyonsi yalati mwapolelelwa, pano impanga inu ilaya isuma iyakwikala mwenemo.

Malaki 3:12 ပူးပေါင်းရင်းမြစ်များ

2 Milandu 32:23

Antu nyanya yatandike ukwiza uku Yelusalemu, ale yakuleta amawila kuli Yawe nu wila kuli Hezekiya umwene waku Yuda. Icakuti ukufuma papo kwene, impanga zyonsi zyapelanga Hezekiya mucinzi ukalamba sana.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Ezaya 61:9

Yene yamalumbuka wakwe cimwi ku antu ya mitundu yuze. Yonsi yano yamayalolanga yamasininkizya ukuti mucumi ali antu yano napolelela.”

Ezaya 62:4

Antu lyene yatalatala nupya yakwame, yati, “Icikona”, nanti yati, “Impanga isuulwe.” Lelo yamakwamanga yati, “Lukundo lwane.” Impanga yako yamayamanga yati, “Utwazi usuma.” Pano lyene Yawe watazangila munuli, ni mpanga yako imafumalilwa kuli Yawe.

Ezaya 62:5

Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Danieli 11:41

Alazanza ni mpanga kwene iyalaiwa nu kukoma antu imintapendwa, lelo antu amu mpanga ya Edomu, ni ya Moabu, nga ni ncende yasyalapo umu mpanga ya Amoni yalapuuka.

Danieli 8:9

Mu lupembe longa apa mpembe zizi zini mwafumile akalupembe, kano kalundulwike mu maka mpaka ukufika ku kayeya nu ku ufumondaka mpaka nu ku mpanga yalaiwa.

Zakaliya 8:23

Yawe Wamaka yonsi wavwanga wati, “Mu manda yalya apa inamasi yonsi akaalanda indimi zipusanepusane, ainamasi ikumi yalaiza ku Muyuda wenga, nu kumunena yati, ‘Tukulonda tuye nawe, pano swemo tuvwa ukuti Leza waya kunomuli.’ ”

Malaki 3:13

Yawe wavwanga wati, “Mwemo mwalanda amazwi aipisye apali nene. Lelo mukuuzya muti, ‘Uzye ivyani vino twalanda ivyapali wewe?’

Luka 1:48

pano watankumbusuka ne muomvi wakwe uwaicefya! Kufuma ndakai antu amu nkulo zyonsi yamangamanga yati wewe walongo,

Malango 11:12

Yene ili mpanga ino Yawe Leza winu akasunga nu kuiwaka pee ukufuma pa kutandika kwa mwaka ukufika na pa mpela ya mwaka.