Malaki 3:10 - Amazwi Yakwe Leza 2013

¹⁰ Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Malaki 3:10 ပူးပေါင်းရင်းမြစ်များ

Utandiko 28:22

Iwe lii lya ciusizyo lino nimika paa, lilaya cifulo ca kukupepela penepo, nga ndakupeela icikumi muli vyonsi vino ulampa.”

Utandiko 7:11

Lino Nowa wafika imyaka imyanda mutanda pa wanda uwalenga ikumi na cinimbali uwa mwezi uwalenga iili, maziya ya muli yayemba yafukoka amanzi, ni vipongo vya mwiyulu navyo viyulika, na manzi yaafuma.

2 Yamwene 7:19

Ali papa pano inkombe ya mwene yene yakanyile iti, “Awe cumi cico cene citange citale cicitike, nanti sile Yawe angaleka imvula itonye!” Elisya nawe ali pano wamwaswike ati, “Kwene wemo uli nu kuilolela na manso yako ntontonto kuno cilacitika. Lelo wemo utalalya kweneko vyakulya vivyo, foo.”

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

1 Milandu 26:20

Yauze amu ina Levi yawakanga icipao ca Ng'anda ikulu yakwe Yawe nga ni ng'anda zya kusungilamo ivintu vyapaatwilwa Leza.

Neemiya 12:44

Pa wanda kwene ulya antu yasonsilwe kuti yawaka amang'anda ya kusungilamo cuma muno yasungilangamo musangulo wa Ng'anda ikulu yakwe Leza, ukwikapo ni cikumi ni mbezu nga ni viseekwa vyankolelo ivyacanga cila mwaka. Antu yaa yapilwe umulimo wakukolonganika vyamusangulo ukufuma mu vyalo vyali mu pipi ni misumba ipusanepusane, vino yasangwilanga yasimapepo na ina Levi ndi vino calondekwa ukucita kulingana na Masunde yakwe Mose. Ayuda yonsi cayazanzizye apakulola uomvi wakwe yasimapepo na ina Levi kwene,

Neemiya 12:47

Acino mu manda yakwe Zelubabeli, nga nu mu manda yakwe Neemiya, aina Izlaeli yonsi yapeelanga amawila cila wanda akwazwilizya yakiimba pamwi na yakalinda amu Ng'anda ikulu yakwe Leza. Nupya yapaatwilile aina Levi icipande cao, nga aina Levi nayo yapaatwilile amu mupanda wakwe Aaloni cipande cao.

Neemiya 13:5

nupya wazumilizye Tobiya kuti angaomvya umuputule ukalamba uno mpiti yasungilanga mwenemo ubani, uwila wa usu, icikumi ca ngano, waini na mafuta. Kuli kuti vyamusangulo vino yapaatwilanga aina Levi, yakiimba ya nyimbo, yakalinda ya mpongolo, na yasimapepo.

Masamu 37:3

Tailanga muli Yawe nu kucita ivisuma, ikalanga nu longo mu mpanga.

Masamu 78:23

Leza nawe ali cino wanenyile iyulu ukuti liyule ivisasa,

Kasambilizya 11:3

Usi mulandu ni ntunga kuno icimuti cawila, cene cikalambalala kuko kwene kuno cawila. Amakumbi ndi yafisya, ala imvula imatonya.

Ezekelo 34:26

Ndaleka ikale ukuzinguluka umwamba wane. Ndatonyezyamo imvula pa nsita ilinge, nupya ilaya imvula ya upolelelo.

Ezekelo 44:30

Yasimapepo ali yano yamatolanga ivizao vyonsi vyankolelo ivisuma, ni vintu vyonsi ivimatuulwanga kunondi. Lyonsi sile lino antu yapanga imikate, yace yapelako yasimapepo umukate wankolelo, ali pakuti upolelelo wane waya umu mang'anda yao.

Oseya 2:21

Yawe wavwanga wati, “Mu wanda ulya ndaasuka amapepo ya antu yane aina Izlaeli, ni mvula ilatonya pa mpanga ya pano pansi.

Yowelo 2:19

Yawe aasuka antu yakwe ati, “Namamutumila ingano, ivyakumwa na mafuta, nupya mulikuta cuze. Ntalazumilizya nupya kuti ainamasi yamuwele nu kumutumfya.

Yowelo 2:24

Apa lwano pene wavuzya ingano. Umu vina vyakupondelamo amatingi, namo wazuzyamo waini umupya, na mafuta kwene yatiyavulisya wakwe cimwi.

Aina Levi 26:10

Uzombozi winu ukaaya uvule cuze cakuti mukaakwata ivyakulya mwaka onsi. Lelo nalyo kwene mukaasumba sile kuulu uwamu nkoma zinu kuti musyale ncende ya vyakulya vicice.

Aina Levi 26:3

“Ndi mwalondela amasunde nu kuyela malamulo yane,

Aina Levi 27:30

Conga pa vintu ikumi muli vyonsi vino impanga ikamezya, usi mulandu cingaya imbezu nanti viseekwa, cene icakwe Yawe.

Hagai 2:19

mutakweti ing'ano izingi umu nkoma zinu. Amatingi, amasamvu, imipomegeleneti ukwikapo ni miolivi kwene vyonsi vitaseeka. Lelo ukutandika pa wanda wi lelo kwene nemo namamupolelelanga pe.”

Mpendwa 18:21

Yawe avwanga ati, “Ku ina Levi, pa kuyalambula pa milimo yao ino yakaomba mwi Taalu lya Ukongano, nayapeela upyanyi wa kutoola pa cikumi consi cino aina Izlaeli yakampela. Ali malipilo ya kuomba kwao ukwa kuwaka Itaalu lya Ukongano.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Malango 14:22

“Mulinzile mwapaatula icikumi ica pali vyonsi vino mukazombola mu vyalo vinu cila mwaka.

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.