Malaki 2:7 - Amazwi Yakwe Leza 2013

⁷ “ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Malaki 2:7 ပူးပေါင်းရင်းမြစ်များ

2 Yamwene 16:11

Uliya nawe ali pakukuula kavuwa wakwe kaka kwene nu kukamalila zuwazuwa lino umwene Aazi atacili afike, ukulingana nu wanziko uno umwene Aazi wamupile ukufuma ku Damasiko.

2 Yamwene 16:16

Uliya atali umukanyi, nga acita vyonsi ndi muno umwene Aazi wamunenyile.

2 Milandu 30:22

Hezekiya nawe wataizye sana aina Levi pali ufundi wao uwa kutungulula umulimo wa kupepa Yawe. Pa manda cinimbali lino yalile vipande vyao nu kupeela amawila ya utandano nga nu kulumbanya Yawe, Leza wa vikolwe vyao. Pacisila ca manda cinimbali yano yapeelanga amawila kuli Yawe Leza wa vikolwe vyao,

2 Milandu 31:4

Alino umwene apeela ilamulo ku antu amu Yelusalemu kuti yalete ivyawila nu kupeela yasimapepo na ina Levi ivipande vyao apakuti yaipelesye ukuwaka ukusunga ningo amasunde yakwe Yawe.

Ezila 7:10

Apa mulandu wakuti Ezila walanga wika umwenzo wakwe uku kusambilila amasunde yakwe Leza nu kuyalondela nga nu kuyasambilizya uku ina Izlaeli, ivipope ni misango ino yangalondelamo lyonsi.

Ezila 7:25

“Acino wemo Ezila, umu kuomvya amano yano Leza wako wakupeela, wewe ulinzile wasonta intunguluzi na yakapingula akuteeka antu umu mbalama ya luzi lwa Yufulate, yao amanya isunde lyakwe Leza wako. Nupya ulinzile ukusambilizya amasunde kuli wensi atayamanyile.

Mapinda 5:2

pakuti uwaelenganya ningo na mano, alino napa kanwa kako uwavwanga ivya mano.

Kasambilizya 5:5

Cazipa kuntalaya ukuluta ukulaya nga lyene uposiwa nu kufikilizya.

Ezaya 42:19

Uzye aweni uwapafula wa muomvi wane? Uzye aweni uwapulama wa nkombe yane? Uzye awe uwapafula wa mutailwe wane? Uzye aweni uwapafula wa muomvi wakwe Yawe?

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Yelemiya 15:19

Caleka Yawe avwanga ati, “Ndi cakuti waweluluka kunondi, ndakuwezya ku mulimo wakuntumikila. Ndi cakuti walanda vyampomvu, ivisi vyasilesile, lyene ulaya wa mulomo wane. Antu yaa yalaweluluka kunuli, lelo wemo citalinzile ukuya kunoyali.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Ezekelo 22:26

Yasimapepo yao yakaonona amasunde yane, nupya yasicindika ivyamuzilo vyane. Yasipusanya vyamuzilo ni visi vyamuzilo. Apa kusambizya yasipusanya ivintu ivikakowezya antu ni visikowezya, nupya yasisakamala ni Sabata kwene. Uli mulandu kwene uno aina Izlaeli yasincindikila.

Ezekelo 7:26

Isyamo lilalondela api syamo ni cimvulunganya pa cimvulunganya. Alino yaluzya cilolwa kuli kasema, lelo simapepo atalakwata ilamulo, inkombe nazyo zitalamanya vyakupanda amano.

Danieli 11:33

“Intunguluzi zya antu zyamano zilapandana amano na antu yauze avule. Lelo pa kasita kanono yamwi muli alio yalakomwa umu nkondo nanti ukuyoca mpaka yafwe, nga na yamwi yalayiila ivintu nu kuyasumbila mu ng'anda ya minyololo.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Aina Levi 10:11

Ulinzile kusambilizya aina Izlaeli amasunde yonsi yano napeela kunomuli kupitila muli Mose.”

Zefaniya 3:4

Yakasema yakwe imbutuma. Yene incenjezi.

Hagai 1:13

Alino Hagai, intumi ilya ilondolwela antu amazwi yakwe Yawe ndi muno yaelile akuti, “Nene ne Yawe nkumumanyisya ukuti namayanga namwe pe.”

Zakaliya 7:3

Yaile ku kuyauzya yasimapepo na yakasema yati, “Uzye tumatwalilila sile ukulosya pamulandu wakononwa kwa Ng'anda ikulu yakwe Yawe nu kuizilizya ukulya mu mwezi wakwe cisano ndi muno tukacitila pa myaka ivule ndi vii?”

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mpendwa 27:21

Nga Lelo ali nu kulaiza kuli simapepo Eleaza. Aliwe alaamuzizya nu kumanya ukulonda kwane ukupitila mukuomvya Ulimu na Tumimu. Umu nzila kwene ii, Eleaza alaatungulula Yoswa nga na aina Izlaeli yonsi muli vyonsi vino viyapazi.”

Yoane 13:20

Cumi namunena vino wino wensi akunzengela, ala wazengela wino uwantuma.”

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Milimo 16:17

Wene walondelanga Paulo naswe ala akupunda ati, “Antu yaa, aomvi yakwe Leza wa papelapela! Yakumunena vino mungatuulwa!”

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

Galatiya 4:14

Nanti angala kulwala kwane kwamusakamike, mwemo mutampasile nanti kunkankamba. Lelo mwanzengile kwati namanye nene mungeli wakwe Leza nanti a Klistu umwisikulu kwene.

Malango 21:5

Yasimapepo aina Levi, nayo kwene yalinzile ukuya kweneko, pamulandu wakuti yalinzile kupingula mulandu onsi ukumile kukalala. Yawe Leza winu wayasolola kuti yamutumikila nu kulanda upolelelo pa antu umwi zina lyakwe.

Malango 24:8

“Umwi ndi walwala tembwe muce mwasakamala ukucita vino yasimapepo aina Levi yalamunena. Muce mwalondela vyonsi vino nayatungulula ukuti avino yacita.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

1 Samueli 2:17

Uyi uu uwa alumendo wali ukulu wakwe cimwi pa manso yakwe Yawe, pano yatacindike uwila uwapeelwa kuli Yawe.