Malaki 2:6 - Amazwi Yakwe Leza 2013

⁶ Yene yasambilizyanga ivyacumi, asi vyaufi awe. Yuvwananga nani, nupya yatacitanga sile ivisuma. Lelo yazwilizyanga auze ukuta ukucita iviipe.

Malaki 2:6 ပူးပေါင်းရင်းမြစ်များ

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 6:9

Ilandwe lyapali Nowa lyaya ndi vii. Pakasi ka antu amu nsita ilya Nowa wenga mpo wali umuntu uwacitanga vyawololoke nupya uwaula impwelo mbi. Lyonsi kwene Nowa wapitanga na Leza.

Masamu 119:142

Wololoke wako ulayelelela pee, na masunde yako yalaya acumi pee.

Masamu 119:151

Lelo we Yawe uli umupipi nani, nga na malamulo yako acumi.

Masamu 37:30

Amazwi ya muntu musuma yakavwanga ivyamano, ni vikafuma pa lulimi lwakwe vikaya ivilungame.

Masamu 37:37

Mwalolekesya umuntu musuma, mucecete umololoke umwenzo. Pano umuntu walongo awiyo akasya impyanyi zyakwe pano nsi.

Mapinda 5:2

pakuti uwaelenganya ningo na mano, alino napa kanwa kako uwavwanga ivya mano.

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Mako 12:14

Izile kuli Yesu yamunena yati, “Kasambilizya, twamanya vino ukavwanga icumi. Nupya usioopa umuntu. Wemo utaya na kasoozi. Lelo ukasambilizya Masunde yano Leza akalonda kuti antu yayela. Uzye ciine na Masunde yakwe Leza kuti twasonka kuli Kesa nanti foo?”

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Luka 20:21

Caleka inengu zimuzya ziti, “Kasambilizya, twamanya vino ukalanda nga nu kusambilizya ivya cumi. Nupya twamanya vino utaya na kasoozi, lelo ukasambilizya Masunde yano Leza akalonda kuti antu yayela.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Malango 33:10

Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.

Malango 33:8

Apa mutundu wakwe Levi napo wavwanzile ati, “We Yawe, sokolola ukulonda kwako ukupitila umukuomvya Ulimu na Tumimu Ukupitila mu ina Levi, aomvi yako acumi. Wemo wayezizye ku Masaa. Nu ku Meliba wayapimile kuti ulole ndi yene acumi.

Malango 33:9

Yene yalanzile ucumi wao kunuli Ukuluta vino yalanzile ku akwasi, nu ku ina yao, nanti nu ku ana yao. Yene yayezile amalamulo yako Nupya yali acumi ku upangano wako.

Umbwilo 14:5

Yatatazile yalande intumpu. Yene yatakweti mulandu.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.