Malaki 2:17 - Amazwi Yakwe Leza 2013

¹⁷ Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Malaki 2:17 ပူးပေါင်းရင်းမြစ်များ

Yobo 34:17

Uzye umuntu uwapata ulungami, aliwe angateeka antu? Uzye kwene umweneco wa ulungami na Maka yonsi, ali wino ungapama nu kumupeela mulandu?

Yobo 34:36

Ali cino nu kumwezya, yangamwezya sana, pano imyasukile yakwe iya antu aipe.

Yobo 36:17

Lelo antu aipe yatulumanikanga upinguzi wao nu kukalipilwa. Nu kufyenga wafyengelekezyanga ana yacisyale.

Yobo 9:24

Lino Leza wafumbatika insi umu makasa ya antu aipe, wene akavimba yakapingula ya milandu apa manso. Ndi cakuti asi aliwe uwacita vivyo, uzye lyene tumati aweni?

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

Ezaya 1:14

Natimpata uwanda ukulu uwandoleko ya mwezi kumwi na manda yakulu yauze yano mukampepelapo. Vivyo lyene vili wa cisendo kunondi, nkuposiwa ukusenda.

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Ezaya 43:22

Yawe wavwanga wati, “Mwe amu mutundu wakwe Yakobo, asi nene mukapepa, awe, caticimufuulila! Mwe ina Izlaeli.

Ezaya 43:24

Mwemo musisumba ulupiya lwinu apakunkalila ubani, nupya musifika penepo apakunsansamusya na mafuta ya nyama zinu. Mwemo mwakomela sile ukuncuzya pamulandu nu uyi winu, nu kumfisya uku mwenzo uku uyi winu uno mukacita.

Ezaya 7:13

Lyene Ezaya avwanga ati, “Uvwa kuno, we mwizikulu wakwe Davidi! Wemo wamanya mpiti ukuti ukucuzya antu icintu cimwi iciipe sana. Ale lyene icani fwandi cino wemo ukulonda ukucuzya nu Mwene Leza wane kwene?

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Yelemiya 15:6

Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Yelemiya 17:15

Antu yakanena yati, “Ale izwi lya Mwene lili kwi? Kalifikiliziwe tuvwe!”

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Ezekelo 16:43

Wemo wakana ukwiusya amanda ya ukazyana wako, ukansonsomba na muli vii vyonsi. Nani kwene fwandi ndakuwezezya imicitile yako pa mutwe wako. Ivyalanda ne Yawe Simwandalali. Uzye kwene ukunena ndi vino utacisile iviipe umu mipitile yako iyamuselu?

Ezekelo 18:25

“Lelo mwemo mukavwanga muti, ‘Ivikacita Yawe awe vitalolamo.’ Uvwini kuno mwe, mwe ina lzlaeli. Fwandi mwemo mukati musango uno nemo nkacitilamo ivintu utalolamo. Ala awe, imisango inu ali ino italolamo.

Ezekelo 8:12

Leza ali pakunguzya ati, “We mwana wa muntu, uzye wailolela ivikacita akalamba ya ina Izlaeli, umu kanda, cila muntu umu muputule wakwe umu viluwi vilengwe? Ala yakuti, ‘Yawe atange atulole, Yawe watazyela impanga.’ ”

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Amosi 2:13

“Uvwini, nemo ndamusyunola apa musili nupya mulalila wa maceleta yano yati yanyomelwa ni visendo vya ngano.

Zefaniya 1:12

Apa nsita iyo ndatoola ulukozyo ince nje mukunengula umusumba wa Yelusalemu. Ndavunuka antu atasakamalapo nanti cimwi, akaikala mu musango uno aeneco yakulondelamo, yao akaelenganya iyati, ‘Awe Leza atalacitapo icintu nanti cimwi, icisuma nanti iciipe kwene.’

Malaki 2:14

Namwe imuzya muti, “Uzye apacani cino akucita vivyo?” Apamulandu wakuti Yawe ali kambone wakukusinila pa kuntaya wacumi ku muci wino watwite mu ulumendo wako.

Malaki 3:8

Uzye umuntu angiyila Leza? Awe citange cicitike. Lelo mwemo mukunjiya. Namwe muuzya muti, “Umu nzila cii?” Umu cikumi na mawila.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

1 Samueli 2:3

Si fwandi mungala musuule sile, mutaya ni cilumba. Mutaezya ukuvwanga amazwi akuitumika, pano Yawe a Leza uwamanya vyonsi. Wene akapima vino antu yakacita.