Malaki 2:13 - Amazwi Yakwe Leza 2013

¹³ Nacuze cino mukacita aici: Mukasambezya kavuwa kakwe Yawe na minsozi inu. Mukalila nu kulosya pamulandu wakuti ndakai wene asisakamala nanti kupokelela amawila inu ni nsansa ukufuma mu minwe inu.

Malaki 2:13 ပူးပေါင်းရင်းမြစ်များ

Neemiya 5:1

Lino papita insita imwi antu yamwi pamwi na aci yao yatandika ukuinong'onya pa vicitwa vya Ayuda yauze.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Kasambilizya 4:1

Lyene ndolekesya pa lufyengo lonsi ulukacitika mu nsi ii. Antu yano yatitikiziwa yakulosya nga kusi nanti aumwi uwakuti angayazwa. Kusi nanti aumwi uwakuti ayazwe pano antu yano yakuyatitikizya yakwatisya maka.

Yelemiya 11:14

Alino cino fwandi wemo we Yelemiya utezya ukupapatilako antu yayo. Utanguzya nanti cimwi cakuti njacitile. Lelo yamaculanga nemo ntakusumbanga kweneko amano nanti yangalaizya uli tutulwe.”

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Malango 26:14

Nemo ntalile icikumi nanti acimwi lino nkulosya. Nemo ntafumya penepo icipande ica cikumi nanti acimwi nu kutwala apanzi lino ncili umukowele, nanti ukupeela ku afwe. Ala, we Yawe nemo nkakuyela nu kulondela amalamulo yonsi yano wapeela pa cikumi.