Malaki 1:4 - Amazwi Yakwe Leza 2013

⁴ Limwi amu mupanda wakwe Edomu yangaiwanzya yati, “Silolini vino imisumba itu yononwa! Lelo tulaikuululula nupya.” Lyene Yawe Wamaka yonsi wavwanga wati, “Yatini yakuululule imisumba yao, lelo ndayonona nupya kwene. Antu yayo yalaamwa ukuti impanga yankota, iya antu yano insita zyonsi yaponelwa nu ukali wakwe Yawe.”

Malaki 1:4 ပူးပေါင်းရင်းမြစ်များ

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

Masamu 127:1

Yawe ndi cakuti aliwe asikukuula ing'anda, ala yakakuula yakwalangana sile. Yawe ndi cakuti asikulinda umusumba, ala yakalinda yakuicuzya sile.

Masamu 137:7

We Yawe, iusya vino aina Edomu yacisile uwanda uno Yelusalemu wazanzilwe. Iusya vino yakomilepo ukulanda ala yakuti, “Wongololini, muongolole suka na pansi.”

Masamu 33:10

Yawe akaonona nu kuvulunganya amapange ya ikala nsi. Akavulunganya nu kupasola amapange ya mitundu.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Ezaya 10:4

Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

Ezaya 11:14

Yoili kwene yalazanza aina Filisti lwaku uwondaka nu kupokolola ivyuma ku antu akaikala uku ufumondaka. Yalacimvya aina Edomu na ina Moabu. Na ina Amoni yalauvwila kunoyali.

Ezaya 34:10

Impanga ilaapya usiku nu musanya ni cunsi citalatala cite ukusuuka mwenemo. Impanga ilayelelela pee iyononeke. Mutalaya umuntu wino alatala apite mwenemo.

Ezaya 34:5

Yawe akuti, “Natinteyanya ulupanga lwane umwiyulu. Nalo pasi pakukalipa. Lwasya luzanze impanga yaku Edomu. Lumazanza antu yano napingula ukuloviwa.”

Yelemiya 31:17

“Ana yako yaye nu utailo, ana yako yalaweluluka ku mpanga yakumwao.” Ivyalanda ne Yawe.

Yelemiya 49:20

Caleka mwemo kutikini sile kunondi, muvwe vino nateyanyizizya kucitila Edomu, na vino napangila ukucita aikazi amu Temani. Ala nu twana kwene utwamu ufyo tulakululwa. Ni nyika yao apakulola vivyo, ilazakaza ku ntete.

Yelemiya 49:7

Apa ina Edomu, Yawe Wamaka yonsi wavwanga wati, “Uzye amalango yasililikila umu Temani? Uzye na yampandamano yati yaulila kumwi? Uzye amalango yao yasuka yaola?

Yelemiya 49:8

Senukini nupya pukiini, muye mukafisame mu macele, mwe ikazi yaku Dedani. Pano kwene nganiza ukukupempula Esau, ndamuletela sile ilovyo.

Yelemiya 5:17

Yene yaliza yamalile ivyakulya pamwi ni viseekwa vinu vyonsi pyu. Yalakoma ana inu aonsi na anaci kwene. Yene yalafyula iviteekwa vinu na maufyo inu nu konona amatingi kumwi ni misamvu inu. Anisi inu yalonona imisumba inu yamalinga, ino mwataila mwenemo.

Nyimbo zya ndosya 3:37

Uzye aweni angalandapo cimwi nu kucitika cicitike, ndi cakuti Umwene aliwe atakasi?

Ezekelo 11:10

Mulalukuta muno mpanga yakwe Izlaeli uku lupanga. Ndalinganya apakuti mukamanye ndivino icumi nene indi Yawe.

Ezekelo 25:13

cisuma nani ne Yawe nayanenelapo ukuti ndayavunukilapo, nkayakomole yonsi kumwi ni viteekwa vyao. Impanga yao ndaisangula ulwanga, ukutandikila sile ku musumba wa Temani ukuyafika nu ku musumba wa Dedani nga na antu yalafwa uku nkondo.

Ezekelo 25:14

Antu yane aina Izlaeli ali yano yalandandwilako ku ina Edomu, alalenga nu kuti aina Edomu yakuvwikisye apapela ukali wa cipyu cane. Alino lyene aina Edomu yalamanya vino cikaya ku antu yano nemo nalandwila. Ivyalanda ne Yawe Simwandalali.”

Ezekelo 26:14

Ndakusangula umwalala utupu tupu, ulaya incende ya kwanikilapo amasumbo. Utalatala nupya ukakuulwe cipya cipya, pano ne Yawe natimvwanga, ivyalanda ne Yawe Simwandalali.”

Ezekelo 35:4

Ndonona imisumba yako nga mutalikalamo antu foo. Lyene ulamanya ukuti nene indi Yawe.

Ezekelo 35:9

Ndakusangula uye ulwanga lwa pee, ni misumba yako mutalatala mwikale umuntu nupya. Lyene alino mulamanya ukuti nene indi Yawe.’

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Amosi 3:15

Indatamola amang'anda inu ansita zya pamwela, kumwi na mang'anda ansita zya cisiku. Amang'anda ayemviwa na mino ya nzovu yalononwa, ni vimang'anda vyonsi vikulu vilatamolwa.” Avino Yawe wavwanga.

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Amosi 6:11

Lino Yawe wapela ilamulo, amang'anda akulu yalaongololwa na anono nayo yalatamolwa.

Amosi 6:2

Yangini ku musumba wa Kaline mukailolele. Alino muye ku musumba ukulu ulya uwa Hamati, nga lyene mutentemukile ku Gati ku ina Filisti. Uzye antu amu mawene yaa yalusile amu Yuda nu mu Izlaeli? Uzye impanga yao ikulu kuluta impanga inu?

Obadiya 1:1

Uu, uli usemo wakwe Obadiya wa pali vino Yawe Simwandalali walanda pa kuvunukwa kwa luko lwakwe Edomu. Yawe watatuma inkombe zyakwe ku antu amu nko zyonsi, nga naswe twatituvwa amazwi yakwe akuti, “Iteyanyini! Tuyini tukalwisye aina Edomu!”

Obadiya 1:10

Mwe ina Edomu mwe, pamulandu wakuti mwaile imuzanza nu kwiyila akazi kinu, amu mupanda wakwe Yakobo, namwe mulononwa nu kuzewana mpaka umuyayaya.

Malaki 1:3

Lelo nakana Esau kumwi na amu mupanda wakwe, nga naleka kuti impanga yao ya myamba iye itongwa. Nupya kusi umwi akaikala mwenemo, suka sile yankusa.”

Mateo 12:30

“Wino wensi aakumpazya ala asi nani. Na wino wensi asingazwa kukolonganika ala akusalanganya.