Malaki 1:3 - Amazwi Yakwe Leza 2013

³ Lelo nakana Esau kumwi na amu mupanda wakwe, nga naleka kuti impanga yao ya myamba iye itongwa. Nupya kusi umwi akaikala mwenemo, suka sile yankusa.”

Malaki 1:3 ပူးပေါင်းရင်းမြစ်များ

Utandiko 25:23

Yawe nawe amunena ati, “Munuli muli inko zili zya antu. Ulavyala antu yaili, yao alacimvyanya mu wikazi wao. Wenga alaya na maka ukuluta muze. Silenzi alaya muomvi wa muto.”

Ezaya 35:7

Umucanga ulya ukaye ulasanguka yemba. Mulazula nu tufukoka. Uwikalo wakwe yankusa ulasanguka amasanga ya matete ni mpunga.

Yelemiya 49:10

Pano nemo ali vino ndasambulula Esau. Nene ndasokolola incende zyakwe zyonsi muno zyafisamila, icakuti akaposiwe na pa kufisamila. Umutundu wakwe, wati ononeka, usipo pali ndakai. Nu mu inipamba musi nanti wenga angasyalamo.

Yelemiya 49:20

Caleka mwemo kutikini sile kunondi, muvwe vino nateyanyizizya kucitila Edomu, na vino napangila ukucita aikazi amu Temani. Ala nu twana kwene utwamu ufyo tulakululwa. Ni nyika yao apakulola vivyo, ilazakaza ku ntete.

Yelemiya 49:33

Hazoli alasanguka incende yakwe yankusa, ulwanga lwa pee. Mutalatala mwikale umuntu nanti wenga. Kusi nupya nanti wenga wino alakuula mu cifulo cao.”

Yelemiya 49:7

Apa ina Edomu, Yawe Wamaka yonsi wavwanga wati, “Uzye amalango yasililikila umu Temani? Uzye na yampandamano yati yaulila kumwi? Uzye amalango yao yasuka yaola?

Yelemiya 49:8

Senukini nupya pukiini, muye mukafisame mu macele, mwe ikazi yaku Dedani. Pano kwene nganiza ukukupempula Esau, ndamuletela sile ilovyo.

Yelemiya 51:37

Alino lyene umusumba wa Babiloni ulasanguka itongwa umulaikala sile yankusa. Antu yalati yalolekesya, iciyaputula ni misana. Mutalikala umuntu nanti wenga na yano yalalola vino caya yalazunguka.

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Ezekelo 36:7

Nemo ne Yawe Simwandalali nalapa ukuti antu ya mitundu yaya umu mbali yalazewana.

Ezekelo 36:9

Nemo indi namwe, nkulondesya nu kuti muce mwalima umusili winu nu kukomelamo imbezu.

Yowelo 3:19

“Lelo Eguputo alasyala wa citotela. Edomu nawe alasyala wa lwanga, pamulandu wa nkondo ino yaponyizye apa antu aku Yuda nga na pamulandu wa kuzwisya uwazi uwakaele umu mpanga yao.

Obadiya 1:10

Mwe ina Edomu mwe, pamulandu wakuti mwaile imuzanza nu kwiyila akazi kinu, amu mupanda wakwe Yakobo, namwe mulononwa nu kuzewana mpaka umuyayaya.

Luka 14:26

“Wensi angiza kunondi atangaya mulondezi wane suka ndi wantemwa kuluta vino watemwa isi na nyina, nu muci na ana yakwe, aina aonsi, na yakaci yakwe, na vino watemwa umi wakwe kwene.