Malaki 1:2 - Amazwi Yakwe Leza 2013

² Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.

Malaki 1:2 ပူးပေါင်းရင်းမြစ်များ

Utandiko 25:23

Yawe nawe amunena ati, “Munuli muli inko zili zya antu. Ulavyala antu yaili, yao alacimvyanya mu wikazi wao. Wenga alaya na maka ukuluta muze. Silenzi alaya muomvi wa muto.”

Utandiko 25:25

Mwana wankolelo wali muyenzulukile, ni pipi lyakwe lyali wa cizwalo ca mavumbu. Amutemela izina ati a Esau.

Utandiko 25:26

Muto wavilwe ala alemelile ikasa lyakwe ku kantunta kakwe silenzi caleka amutemela izina ati a Yakobo. Isaki wali ni myaka amakumi mutanda lino Labeka wamuvyalile ana.

Utandiko 27:33

Isaki atandika kuzakaza wakwe cimwi nga avwanga ati, “Nga fwandi aweni lyene uwali wakoma inyama nu kuleta kunondi? Natindya lino utali kuti wize. Nalinamupolelela. Caleka upolelelo waya uwakwakwe pe.”

Utandiko 48:4

Wanenyile ati, ‘Ndalenga kuti uvyale ana avule, pakuti amu mupanda wako yakaye inko zivule. Ndapeela impanga ii ku amu mupanda wako kuti iye impanga yao amanda pe.’ ”

1 Yamwene 10:9

Alumbanyiwe Yawe Leza wako, wino wazangila munuli pa kukulasika apa wene mu Izlaeli. Pamulandu wakuti ukutemwa kwakwe ku ina Izlaeli ukwa manda pe, wene wakucita ukuya umwene wao pakuti wateeka mu ulungami nu wololoke.”

2 Yamwene 3:8

Nawe auzya ati, “Uzye inzila cii ino tulapita pakuya uku nkondo?” Yolamu nawe amwaasuka ati, “Tulapita inzila iitali, iyapita mu Lwanga lwaku Edomu.”

Ezaya 43:4

Pano kunondi wemo wacindama wakwe cimwi, ali cino ndakukauzya na antu. Pano wewe wamutengo ukulu pa manso yane, nupya nakutemwa ndakauzya umi wako ni mitundu ya antu.

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 2:5

Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.

Yelemiya 31:3

Yawe watulolekile ukutali ati, “Namutemwa citemwiko camuntasila ali cino nemo natwalilila nu kumucitila uluse lyonsi.

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Luka 10:29

Lelo kasambilizya wa Masunde walondanga ukuizifilizya ukuti umololoke. Lyene auzya Yesu ati, “Uzye unji aweni?”

Yoane 15:12

Lii lili sunde lyane lyakuti mutemwane ndi vino nemo namutemwa.

Malango 10:15

Nga lelo Yawe wisile umwenzo pali yaso nu kuyatemwa wakwe cimwi. Nupya pa nko zyonsi wasolwile sile mwemwe, mwe amu mupanda wao, wakwe vino cili ilelo.

Malango 23:5

Lelo Yawe Leza winu wakanyile ukuvwa intipu zyakwe. Mucifulo cakwe cico wene wasenwile intipu kuti zingaya upolelelo, pamulandu wakuti Yawe Leza winu watemwa mwemwe.

Malango 33:3

Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.