Malaki 1:13 - Amazwi Yakwe Leza 2013

¹³ Yawe Wamaka yonsi wavwanga wati, Mwemo mukati, ‘Mwe, ala icintu cii icifuule!’ Nga imwaifyola. “Mwemo mukaleta amawila ya nyama zino mwiya nanti izilemale nanti zilwale. Uzye mukwelenganya ukuti ndazumila amawila yayo ukufuma kuno muli?

Malaki 1:13 ပူးပေါင်းရင်းမြစ်များ

2 Samueli 24:24

Lelo umwene aasuka Alauna ati, “Awe, nemo namakala kunuli. Nemo ntalapeela kuli Yawe Leza wane amawila yakoca yonsi yano ntaculila.” Acino Davidi akala ulwano lwa kupuulila nga na yamasaye pa mpiya amakumi yasano zyakwe siluva.

Ezaya 1:12

Aweni uwamunena ukundetela vyonsi vivyo lino mukwiza uku kumpepa? Aweni uwamunena ukulyopola mu musolo wa ng'anda yane iya kumpepelamo?

Ezaya 57:6

Mukatoola na mawe atelepe ayano mwafukamila. Mukaitulwila penepo amawengwa nu kutuula amawila ya vyakulya. Uzye mwemo mukati natemwa vivyo, vwile?

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Ezekelo 4:14

Lelo nani navwanzile nati, “Awe, vivyo foo we Yawe Simwandalali! Nemo ntatala nailikizya. Ukutandikila sile uku ulumendo wane ukufika na pilelo, ntatala nalya icintu iciifwile nanti icilemwe ni nyama zya mpanga. Inyama ya mifitalila itatala ingila umukanwa kane foo.”

Ezekelo 44:31

Yasimapepo yatakalye icunyi icaifwila, nanti inyama iyaifwila, nanti citeekwa icakomwa ku citeekwa cuze.

Oseya 13:9

“Ndonona mwe ina Izlaeli! Uzye lyene aweni angamwazwa?

Aina Levi 22:8

Simapepo atalinzile kulya inyama ino yaifwila nanti ino yatikomwa ni cilyanyi ca mpanga, pano ingamulenga ukuya uwamifitalila. Nene Yawe.

Aina Levi 6:4

Avino umuntu ndi wifya mu musango umwi ndi uu, alinzile kuwezezya umuze consi cino watola mu ucenjezi.

Amosi 8:5

Mwemo mukaivwanzya muti, “Uzye umuloleko wa Mwezi Upya ulasila lilaci pakuti tukakazye imbezu? Uzye wanda wi Sabata ulasila lilaci pakuti tukakazye ingano, nu kuti tuomvye ivipimilo vya ucenjezi, nu kukomya umutengo nu kuomvya inteko zya ucenjezi,

Mika 6:3

Yawe akuti, “Mwe antu yane, uzye icani cino namucita? Uzye namusakamika uli? Njasukini!

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Malaki 2:12

Si Yawe asukule umuntu ali wensi uwacita icamusango uu ukufuma mu mutundu wa ina Izlaeli. Nanti angala umuntu wiyo akapeela impolelwa kuli Yawe Wamaka yonsi, wene atalinzile kutwalilila kucita cico.

Malaki 2:13

Nacuze cino mukacita aici: Mukasambezya kavuwa kakwe Yawe na minsozi inu. Mukalila nu kulosya pamulandu wakuti ndakai wene asisakamala nanti kupokelela amawila inu ni nsansa ukufuma mu minwe inu.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Mateo 6:5

“Na lino mukupepa, mutakolana wa asomvi! Yene yatemwa kwimilila nu kupepa mu mang'anda ya mapepo nu mu masansa ya miseo, kuti yalolwe na antu. Cumi namunena vino, yene yapokelela cilambu cao.

Malango 15:21

Lelo ndi cakuti iciteekwa cikweti iyala limwi, nanti cikasinta nanti capafula, nanti cikweti akaulema kamwi akipisye, ale lyene kusi kucipeela impolelwa kuli Yawe Leza winu.

1 Samueli 2:29

Nga nupya pacani cino ungatumbwila amanso nu kuzazila amawila yano nanenyile antu ukundetela? Uzye pacani cino ungacindikila ana yako aonsi ukuluta pali nene pa kuyata yiine pa kuilyokezya ukulya amawila asuma wakwe cimwi yano antu yane aina Izlaeli yapeela?