Mako 9:41 - Amazwi Yakwe Leza 2013

⁴¹ Cumi namunena vino wino wensi akumupeela ulwako lwa manzi pano mwemwe yakwe Klistu, Leza atalaposiwa kumulambula.”

Mako 9:41 ပူးပေါင်းရင်းမြစ်များ

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

2 Kolinto 10:7

Elenganyini ningo pa vintu vikuloleka paswe. Uzye kuku kungaya umwi wino waitaila ukuti wene uwakwe Klistu? Ndi avino cili, lekini wene aelenganye nupya pali aliwe umwisikulu, pano sweswe yakwe Klistu wakwe vino nawe kwene ali.

1 Kolinto 15:23

Lelo cila muntu alazyukuka pa nsita yakwe. Klistu uwali uwankolelo kuzyukuka, nga antu yakwe nao yalazyukuka lino alawela.

Loma 14:15

Ndi ukucisa auzo pamulandu na vino ukalya, ale usyakucita cii mu lukundo. Acino mutaleka indya inu yonone umuntu wino Klistu wafwilile!

Loma 8:9

Lelo musilondela vino mwili ukamunena kucita lelo mukalondela vino Mupasi Wamuzilo akamunena kucita pano Mupasi Wamuzilo akaikala munomuli. Lelo umuntu wino atakweti Mupasi wakwe Klistu, wene asi wakwe Klistu.

Galatiya 5:24

Yao ali yakwe Klistu yene yata ivya untunze wao nga ni vilondwa vyauko.

Galatiya 3:29

Ndi mwemwe yakwe Klistu, lyene ale mwemwe vizikulula vyakwe Abulaamu nga mulapelwa vino Leza walaya.

1 Kolinto 3:23

nga namwe mwemwe yakwe Klistu, Klistu nawe uwakwe Leza.

Mako 4:10

Lino Yesu wapaatuka mwi umba, alondezi ikumi na yaili nga na yamwi ali mu pipi nawe iiza kunoli yamuzya kuti ayalondolwele vino milumbe ikusenula.