Mako 9:1 - Amazwi Yakwe Leza 2013

¹ Alino atwalilila kuvwanga ati, “Cumi namunena nati, apano yali yamwi pano atalafwa kufika lino yalalola Wene wakwe Leza ukwiza na maka.”

Mako 9:1 ပူးပေါင်းရင်းမြစ်များ

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”

Mateo 24:30

Pa nsita ilya, cilangililo ca Mwana wa Muntu cilaloleka mwiyulu. Na antu amu nko zyonsi mu nsi yalalosya lino yalalola Mwana wa Muntu akwiza mu makumbi na maka nu lulumbi lukulu.

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mako 13:26

Alino Mwana wa Muntu alaloleka, akwiza mu makumbi na maka akulu nu lulumbi.

Mako 13:30

Cumi, namunena vino, vintu vii vyonsi vilacitika lino antu amu mukulo uu onsi yatali yafwe.

Luka 2:26

Mupasi Wamuzilo wasokolwile kunoli ukuti wene atalafwa lino atatala walola Katuula wino Leza walavile.

Luka 22:18

Pano namunena vino kufuma ndakai ntalamwa nupya vifenwa vya vizao vya matingi, kufika lino Uwene wakwe Leza uliza.”

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Luka 9:27

Cumi namunena vino, apano yali yamwi pano atalafwa kufika lino yalalola Uwene wakwe Leza.”

Yoane 21:23

Caleka mpwelo isalangana konsi mu alondezi yakwe Yesu ukuti wii wene atalafwa. Lelo Yesu atavwanzile vino wii wene atalafwa. Wene wavwanzile ati, “Ndi nkasi kuti alali kufika na lino ndiza, uzye cikupazi?”

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.