Mako 7:9 - Amazwi Yakwe Leza 2013

⁹ Nupya Yesu atwalilila kuyanena ati, “Mwacenjela mwakukanila masunde yakwe Leza nu kusakamala kusunga intambi zinu.

Mako 7:9 ပူးပေါင်းရင်းမြစ်များ

Masamu 119:126

We Yawe, insita yatifika yakuti ucitepo cimwi, pamulandu wakuti antu yasikuyela amasunde yako.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Mako 7:13

Mu nzila ii mukalenga antu kusula mazwi yakwe Leza, pa kulondela intambi zinu. Akuno vili vintu navyuze ivili wakwe vii vino mukacita.”

Mako 7:3

(Ayuda yonsi pamwi na Afaliseo yatangalya suka yafulala ku minwe kulingana nu lutambi lwa vikolwe vyao.

Mako 7:5

Alino Afaliseo na yakasambilizya ya Masunde yuzya Yesu yati, “Uzye pacani cino alondezi yako yasyayela intambi zino vikolwe vitu vyatusilile, yakalya ni minwe ya mifitalila?”

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

2 Kolinto 11:4

Pano umwi ndi wiza nu kukosola ilandwe lyuze lipusane ni landwe lya pali Klistu, nanti ndi mwapokelela mupasi muze apusine na Mupasi Wamuzilo, nanti ndi mwapokelela ilandwe lyuze lipusane ni Landwe Lisuma lino mwapokelile, ale lyene mukuyela landwe lilyo.

Galatiya 1:14

Nemo nalusile Ayuda yanji, yano tuine myaka mu kulondela upefi wa Ciyuda, nupya nali muipelesye mu kulondela ntambi zya vikolwe vitu.

Galatiya 2:21

Nemo nsizumila kukana cikuku cakwe Leza, lelo ndu muntu akacitwa kuya mololoke pa manso yakwe Leza pakuyela sile Masunde ale lyene cikusenula ukuti cali icasilesile ukuti Klistu afwe.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.