Mako 7:6 - Amazwi Yakwe Leza 2013

⁶ Yesu nawe ayaasuka ati, “Ezaya wali ningo lino wasemile pali mwemwe! Mwe yasomvi, wakwe vino walemvile ati, ‘Leza ati, antu yaa, yakancindika sile mu mazwi yao. Lelo melenganyo yao yali kutali kufuma kunondi.

Mako 7:6 ပူးပေါင်းရင်းမြစ်များ

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Yoane 15:24

Ndi pakasi kao ntizile ncita vintu vino umuntu nanti wenga atatala wacita, nga yasi nu mulandu wa kwifya. Lelo yalola vino nacita, nga yapata Tata pamwi nani kwene.

Yoane 5:42

Lelo namanya vino mwaya. Namanya vino mu myenzo inu mutaya kutemwa Leza.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

2 Timoti 3:5

Yene yalailanga kuya apefi, lelo upefi wao utalaloleka uwa cumi. Fumako ku antu amusango uu.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.