Mako 7:4 - Amazwi Yakwe Leza 2013

⁴ Lino yafuma kwi sokoni yatangalya suka yafulala. Yalondelanga intambi na zyuze izingi zino yapokelile kufuma ku vikolwe, wakwe vino yangafula ingako, inyungu zya mukuwa nga ni misazi.)

Mako 7:4 ပူးပေါင်းရင်းမြစ်များ

Masamu 26:6

We Yawe, nkafulala uku minwe apakulanga ukuti nene uwakaele nga inkupepa apa kuzinguluka kavuwa kako.

Ezaya 1:16

Fulalini muikondole. Fumini iviipe inkolelo yane. Tiini ukucita iviipe.

Yelemiya 35:5

Alino ntekela aina Lekabu inkolo zyakwe waini pamwi ni ngako, njanena inti, “Aleni mwini waini.”

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Mateo 23:25

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwemo mukafula ingako ni mbale kunzi, lelo mukasi zizilemo vintu vino mwapoka mu ukakasi nu kuitemwa.

Mateo 23:26

Mwe Afaliseo mpafu! Nkolelo mutale mufule ingako ni mbale mukasi nga lyene nu kunzi kwene zimaya zifule.

Mateo 27:24

Lino Pilato walola vino waposiwa cakucita, lelo kuluta kuti mpanzela ikatuke, atoola manzi afulala minwe pa manso yi umba avwanga ati, “Nemo insi na mulandu wa kukoma umuntu wii uwakaele. Mwemwe mumanye vyakucita.”

Mako 7:8

“Mwasya masunde yakwe Leza nu kusunga intambi zya untunze.”

Yoane 2:6

Ayuda yali ni ntambi zya mifulalile zya kuisangulula. Acino kwali kweneko yamuyeza mutanda a mawe akufulalilamo. Muyeza wenga wazulanga kulingana ni cipimo ca nsembo ziili nanti zitatu.

Yoane 3:25

Alondezi yakwe Yoane yamwi yatandika kupazyanya nu Muyuda umwi pamulandu wa lutambi lwa mifulalile.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.