Mako 6:3 - Amazwi Yakwe Leza 2013

³ Uzye wii, asi akawaza wa mbao, mwana wakwe Maliya? Uzye wii, asi mwina wakwe Yakobo, Yosefu, Yuda, na Simoni? Uzye yakaci yakwe yasiikala kuno mwitu?” Alino yamukana.

Mako 6:3 ပူးပေါင်းရင်းမြစ်များ

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Mateo 11:6

Alongo ayao asikuntwisika.”

Mateo 12:46

Lino Yesu acili vwanga kwi umba, nyina na ina yakwe yafika iimilila panzi, ala yakulonda kuti yavwange nawe.

Mako 15:40

Kwali anaci yamwi katalamukila ala yakulolekesya. Pali yaa, pali Maliya uwaku Magadala, Maliya nyina wakwe Yakobo umwance na Yosefu, na Salome.

Mako 3:18

Andeleya, Filipo, Batolomeo, Mateo, Tomasi, Yakobo mwana Alufeo, Tandeo, Simoni kalwisya wa untungwa,

Luka 2:34

Lyene Simeoni ayapolelela anena Maliya nyina wa mwana ati, “Lola umwana wii waikwa na Leza kuti aye cakuponya nu kukatusya aingi mu Izlaeli, nupya kuti aye wa cilangililo kufuma kuli Leza cino aingi yalakana.

Luka 7:23

Alongo ayao asikuntwisika.”

Luka 8:20

Alino umuntu umwi anena Yesu ati, “Ala nyoko na anyonko yaimi panzi yakulonda kukulola.”

Yoane 14:22

Yuda (asi Yuda Iskalyoti) amuuzya ati, “Mwene, uzye cingaya uli kuti wemo uisokolole kuli sweswe, lelo ku antu amu nsi foo?”

Yoane 6:42

Yavwanga yati, “Uzye wii asi Yesu mwana wakwe Yosefu? Uzye lyene angavwanga uli ati, ‘Nafuma kwiyulu?’”

Milimo 1:13

Alino Petulo, Yoane, Yakobo, Andeleya, Filipo, Tomasi, Batolomeo, Mateo, Yakobo (mwana wakwe Alufeo) na Simoni kalwisya wa untungwa nga na Yuda (mwana wakwe Yakobo), lino yafika mu Yelusalemu yakwela ku muputule wapapela muno iikalanga.

Milimo 12:17

Alino Petulo ayasinizya ku makasa yakwe kuti yamyalale, nga ayalondolwela vino Mwene wamufumizye mu ng'anda yaminyololo. Ayanena ati, “Kanenini Yakobo na ina itu yonsi pali vii.” Alino afuma, aya kuze.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

1 Kolinto 9:4

uzye swemo tutakwata nsambu ya kupelwa cakulya ni cakumwa pa mulimo uno tukaomba.

Galatiya 1:19

Ntaweni mutumwa namuze sukasile Yakobo mwina wa Mwene.

1 Petulo 2:4

Izini kuli Yesu. Wene ali iwe lya umi lino antu yakana ukuti ilya mpomvu. Lelo Leza walisolwile wi we lyamutengo cuze.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.