Mako 5:34 - Amazwi Yakwe Leza 2013

³⁴ Yesu nawe amunena ati, “Kaciwe, utailo wako wakupozya. Pita ulumi, uposiwe ku ndwala yako.”

Mako 5:34 ပူးပေါင်းရင်းမြစ်များ

2 Yamwene 5:19

Elisya ali pakupakasya Naamani ati, “Pita ulumi.” Ali vino Naamani apita nu kupita. Lelo walanga sile Naamani wafika apatantalile panono,

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Aina Levi 14:48

“Lelo ndi lino simapepo wiza ku kuceceta ing'anda pamulandu wa kuvuvuma, wazana ukuti kuvuvuma kutalolike mu ng'anda pacisila ca kutakasa lung'umba, lyene alinzile ukunena umwisikulu wa ng'anda ukuti ng'anda iiswepe pamulandu wakuti kuvuvuma kwatikusila.

Mateo 9:2

Lyene lilyo kwene aonsi yamwi yamuletela umuntu wino uwali cite, ala aizi pa cintamba. Lino Yesu walola utailo wao, anena icite ati, “Mwanane utasakamala! Maifyo yako yelelwa.”

Mateo 9:22

Lelo Yesu aseleuka amulola, amunena ati, “Kaciwe, teku mwenzo utasakamala! Utailo wako wakupozya.” Pa kasita kwene kako mwanaci apola.

Mako 10:52

Yesu nawe amunena ati, “Pitanga, utailo wako wakupozya.” Lilyo kwene atandika kulola nu kulondela Yesu mu museo.

Mako 3:10

Lyene apozya antu aingi, na yonsi alwale yapupumilanga kuya kunoli pakuti yamukumye sile.

Mako 5:29

Lilyo kwene cendamongo cisila, nga auvwa mu mwili wakwe ukuti wapoziwa kufuma ku ndwala yakwe.

Mako 5:33

Umwanaci lino wamanya cati cicitika kunoli, alino aiiza, ala akuzakaza ni ntete, amufukamila, amunena cumi consi.

Luka 17:19

Nupya Yesu amunena ati, “Katuka pitanga, utailo wako wakupozya.”

Luka 18:42

Yesu ainena ati, “Lyene lolanga. Utailo wako wakupozya.”

Luka 7:50

Lelo Yesu anena umwanaci ati, “Utailo wako wakutuula. Pita ulumi.”

Luka 8:48

Yesu amunena ati, “Kaciwe! Utailo wako wakupozya. Pita ulumi.”

Milimo 14:9

Muntu wi watenzi ala akuuvwa ku mazwi yakwe Paulo. Paulo alola vino akweti utailo na vino angapoziwa. Caleka amulolekesya,

Milimo 15:33

Lino ikalako pa nsita imwi, aina yauze yayapakasya yayanena yati, “Pitini ulumi.” Nao yaswilila kuli yao ayatumile. [

Milimo 16:36

Caleka kalinda uwamu ng'anda yaminyololo anena Paulo ati, “Yakapingula ya milandu yati yatuma ilamulo lyakuti wewe na Sailasi mupite. Caleka fumini, mupite ulumi.”

Yakobo 2:16

Uzye cisuma cii icingaya mu kulanda kwinu ndi mwayanena mwati, “Leza amupolelele! Mwasungwa mu kaye nu kulya ningo!” Ndi mutangayapeela vikalondwa mu kusunga umi, ale musi cisuma cimwi.

1 Samueli 1:17

Eli pali pakumwasuka ati, “Pita ulumi, si angala Leza wa ina Izlaeli akulambule cino umulenzile.”

1 Samueli 20:42

Lyene Yonatani anena Davidi ati, “Leza aye nawe, pano twandana ucuza nu mulapo umwi zina lyakwe Yawe, tula tukuti, ‘Yawe ali kambone pakasi kakwe wewe nani, na pakasi ka amu mupanda wako na amu mupanda wane amanda pe.’ ” Lyene Davidi afumapo, nga Yonatani nawe aswilila ku musumba.