Mako 5:11 - Amazwi Yakwe Leza 2013

¹¹ Lyene kwali ufyo wakwe yakapoli ukulu mupipi, ala ukulya umu mbali ya mwamba.

Mako 5:11 ပူးပေါင်းရင်းမြစ်များ

Ezaya 65:4

Apa nsita ya usiku yene yakaya uku macele nu mu malindi. Ali muno yaya yapandwa amano ku mipasi ya afwe. Lyene alino yalya kapoli nu kumwelapo umusunyi wa nyama zikowele, zino yakatuula impolelwa.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.

Mateo 8:30

Kwali ufyo wakwe yakapoli ukulu cuze ala ukulya katalamukila kufuma pano yali.

Mako 5:10

Lyene mipasi yankota ipapata Yesu kuti ataizingila ku mpanga yuze.

Mako 5:12

Caleka mipasi yankota ipapata Yesu iti, “Tuzingile muli yakapoli amuno tukingile.”

Luka 8:32

Lyene kwali ufyo ukulu wakwe yakapoli mu pipi, ala ukulya umu mbali ya mwamba. Caleka mipasi yankota ipapata Yesu kuti aizingile muli yakapoli, kuti amuno ikingile. Nawe aileka ipita.

Malango 14:8

Mutakezye ukulya yakapoli. Nanti angala yene yapanduka ulukamba, lelo yasilukizya. Mutakezye ukulya inyama zizyo nanti ukukumya ku vitumbi vyakwezyo.