Mako 4:8 - Amazwi Yakwe Leza 2013

⁸ Lelo imbezu zimwi ziponela pa musili uvunde, nga lino zyamela zikula nu kuseeka vizao vivule. Zimwi makumi yatatu, zimwi makumi mutanda, nga na zimwi umwanda onga.”

Mako 4:8 ပူးပေါင်းရင်းမြစ်များ

Utandiko 26:12

Isaki walimile ivyakulya mu mpanga ilya, nga mu mwaka ulya wazombwile maila umwanda ukuluta vino wakomile, pano Leza wamupolelile.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Yelemiya 23:29

Yawe walanda wati, “Uzye kwene amazwi yane yatakoline wa moto, nanti inondo ino ikatamola iciliwe mu tupimfya?”

Mateo 13:23

Imbezu izyaponile pa musili uvunde ayao yano ndi yuvwa mazwi yakwe Leza, yuvwikisya nu kumanya. Yene yakaseeka vizao vivule, yamwi umwanda onga, yamwi makumi mutanda, nga na yamwi makumi yatatu.”

Mateo 13:8

Lelo imbezu zimwi ziponela pa musili uvunde, nga lino zyamela, zikula nu kuseeka vizao vivule, zimwi umwanda onga, zimwi makumi mutanda, nga na zimwi makumi yatatu.”

Mako 4:20

Lelo antu yamwi yakoline wa mbezu izyaponile pa musili uvunde. Yakauvwa mazwi yakwe Leza, nu kuyapokelela, nu kuseeka vizao, yamwi makumi yatatu, yamwi makumi mutanda, na yamwi umwanda onga.”

Mako 4:7

Imbezu zimwi ziponela mu myunga. Lyene myunga ikula, izitotola, nazyo zitafukwile.

Mako 4:9

Lyene Yesu ayanena ati, “Ali na matwi yakuuvwa, auvwe!”

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Luka 8:8

Lelo imbezu zimwi ziponela pa musili uvunde, nga zikula nu kuseeka vizao vivule, zimwi umwanda onga.” Lyene lino wayanena vii, asanzika izwi ati, “Ali na matwi yakuuvwa, auvwe!”

Yoane 15:5

“Nene mutingi namwe mwemwe misambo. Wino wensi wikala munondi, nga nani munoli, wene akaseeka vizao vingi. Pano mutangacita cimwi kwaula nene.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

Efeso 2:21

Klistu awino walundinkanya cikulwa nga nu kuleka kuti cikule nu kuya Ng'anda ikulu yakwe Leza yamuzilo, nupya iyapeelwa ku Mwene.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.