Mako 4:7 - Amazwi Yakwe Leza 2013

⁷ Imbezu zimwi ziponela mu myunga. Lyene myunga ikula, izitotola, nazyo zitafukwile.

Mako 4:7 ပူးပေါင်းရင်းမြစ်များ

Yelemiya 4:3

Alino lyene Yawe anena antu amu Yuda na amu Yelusalemu ati, “Limini ivyalo vinu vino vitacili vilimwe. Mutezya ukukomela imbezu zinu mu myunga.

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Mateo 13:7

Imbezu zimwi ziponela mu myunga. Lyene myunga ikula, izitotola, nazyo zitafukwile.

Mateo 13:8

Lelo imbezu zimwi ziponela pa musili uvunde, nga lino zyamela, zikula nu kuseeka vizao vivule, zimwi umwanda onga, zimwi makumi mutanda, nga na zimwi makumi yatatu.”

Mako 4:6

Lyene lino ilanzi lyasanzama nu kuwala, ilyoca ivimelwa navyo vyuma, pano misisi itingile pansi.

Mako 4:8

Lelo imbezu zimwi ziponela pa musili uvunde, nga lino zyamela zikula nu kuseeka vizao vivule. Zimwi makumi yatatu, zimwi makumi mutanda, nga na zimwi umwanda onga.”

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Luka 8:14

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi wamu nsi ii, nu ukama, nga nu kuipakizya kwa umi uu, viza vitotola mazwi nga ni vizao vyakweyo visyaca.

Luka 8:7

Imbezu zimwi ziponela mu myunga. Lyene imyunga ikula izitotola.