Mako 4:34 - Amazwi Yakwe Leza 2013

³⁴ Atayasambilizyanga cimwi kwaula kuomvya milumbe, lelo ndi wikala pamwi na alondezi yakwe ataomvyanga milumbe, lelo walondololanga vyonsi kunoyali.

Mako 4:34 ပူးပေါင်းရင်းမြစ်များ

Mateo 13:34

Yesu wavwanzile vintu vii vyonsi ku maumba mu milumbe. Atayasambilizyanga cimwi kwaula kuomvya milumbe.

Mako 4:10

Lino Yesu wapaatuka mwi umba, alondezi ikumi na yaili nga na yamwi ali mu pipi nawe iiza kunoli yamuzya kuti ayalondolwele vino milumbe ikusenula.

Mako 4:33

Mu milumbe iingi wakwe uu, amuno wakosolanga mazwi yakwe Leza kunoyali, kulingana vino yangiluka.

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Yoane 10:6

Yesu wayanenyile mulumbe uu lelo yatilwike vino ukusenula.

Yoane 16:25

“Vintu vii nkamunenela mu milumbe. Lelo kasita kakwiza lino ntalamunenela mu milumbe, lelo ndamunena paswe vya pamulandu na Tata.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.