Mako 4:11 - Amazwi Yakwe Leza 2013

¹¹ Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe,

Mako 4:11 ပူးပေါင်းရင်းမြစ်များ

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Mateo 13:16

“Lelo mwemo muli nu longo! Pano manso inu yakalola na matwi inu yakauvwa.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Mako 3:23

Alino Yesu ayaama kuti iize kunoli nga ayanena mu milumbe ati, “Uzye Ciwa angafumya Ciwa uli?

Mako 4:10

Lino Yesu wapaatuka mwi umba, alondezi ikumi na yaili nga na yamwi ali mu pipi nawe iiza kunoli yamuzya kuti ayalondolwele vino milumbe ikusenula.

Mako 4:2

Atandika kuyasambilizya vintu vingi mu milumbe ati,

Luka 8:10

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe, pakuti, yangalola lelo yatangailuke nu kuvwa yanguvwa lelo yatangamanya ningo.

1 Kolinto 4:7

Uzye aweni uwakwisile kuya mukulu kuluta pa auzo? Uzye Leza atakupile vyonsi vino wakwata? Uzye lyene ungaitumika uli kwati cino wakwata cisi uwila?

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Efeso 1:9

nga kupitila muli vino Klistu wacita, Leza watulanga mapange yakwe ankama.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

1 Tesalonika 4:12

Lyene mulacindikwa na antu yano atataila, nupya mutalalonda uwazwilizyo kufuma ku muntu ali wensi.

1 Timoti 3:7

Intunguluzi ilinzile kuya umuntu wino wacindikwa na antu asi amwi uvi, pakuti wene atazewana nu kuponela mu citeyo cakwe Ciwa.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.