Mako 2:20 - Amazwi Yakwe Leza 2013

²⁰ Lelo manda yaliza lino siwinga alasendwa kufuma panoyali, lyene alino yalaizilizya ukulya.

Mako 2:20 ပူးပေါင်းရင်းမြစ်များ

Luka 17:22

Lyene anena alondezi yakwe ati, “Insita ikwiza lino mulalondesya kulola uwanda wa Mwana wa Muntu, lelo mutalaulola.

Umbwilo 21:9

Mungeli wenga uwamu angeli cinimbali yano yakweti ngeso cinimbali izyazilemo vilumbelo cinimbali vyakusyalikizya aiiza kunondi anena ati, “Iza kuno, nga nani namakulanga nawinga, muci wa Mwana wa Mfwele.”

Umbwilo 19:7

Lekini tuzange nu kuya ni nsansa. Lekini tulumbanye ukulu wakwe! Pano insita yatifika iya winga wa Mwana wa mfwele, na nawinga wataiteyanya.

2 Kolinto 11:27

Naomvile nu kupikintika. Lingi napitanga kwaula kulala. Napisile ni nzala nu lusala, lingi nulilwe vyakulya, mwakwikala, nacuzile ku mpepo nu kusizya.

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

Milimo 3:21

Cingamuzipila kuti alali mwiyulu kufikila na pa kwiza kwa nsita lino vintu vyonsi vilalengwa ivipya. Vii avino Leza wavwanzile kupitila muli yakasema yakwe amuzilo aku manda yampiti.

Milimo 1:9

Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

Yoane 17:13

Ndakai nkwiza kunuli. Vintu vii nkuvwanga mu nsi, kuti luzango luno nkweti luzuziwe mu myenzo yao.

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Yoane 16:28

Nafumile kuli Tata, nga niza mu nsi. Nupya ndakai namasya insi nu kuya kuli Tata.”

Yoane 16:7

Lelo nkumunena cumi vino camuzipila kuti mpite, pano ndi ntapisile kaazwa ataliza kunomuli. Lelo ndi napita lyene ndamutuma kunomuli.

Yoane 13:33

Mwe ana yane, namaya namwe pa kasita kanono sile. Mulandonda, lelo namunena vino nanenyile intunguluzi zya Ciyuda, inti ‘Mutangaya kuno nkuya.’

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Mateo 26:31

Lyene Yesu nawe ayanena ati, “Usiku kwene uu, mwensi kwene mumamfutatila nu kunsya nenga, pano calembwa cati, ‘Ndakoma kacema nu ufyo wa mfwele ulasalangana.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Ezaya 62:5

Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Lwimbo lwakwe Solomoni 3:11

Mwe anaci amu Zioni, fumini, nga mwize mulole Umwene Solomoni watazwala cilongwe, cilongwe cino nyina wamuzwisile pa wanda wa winga wakwe, wanda uno mwenzo wakwe wazanzile cuze.

Masamu 45:11

Ukuyemba kwako uku malekanga ukuti umwene akulonda. Ali cino wemo fwandi, ulinzile uku muyela pano wene ali musambazi wako.

2 Kolinto 6:5

Tumwanga, twanyepwanga mu man'ganda ya minyololo nga nu kuciswa mu zya mpanzela. Twaombesyanga nupya tutalalanga tulo nanti kulya.

Yoane 12:8

Apina mukaya nao pe, lelo nemo mutalaya nani pe.”

Mateo 9:15

Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Mako 2:19

Yesu nawe aasu ka ati, “Uzye asukilizi ali pa cimulo ca winga yangaizilizya ukulya lino yali pamwi na siwinga? Citangaya vivyo! Lino yali pamwi na siwinga yatange yaizilizye.

Mako 2:21

“Kusi umuntu akakampika cikampa cipya pa nsalu yampiti, pano cikampa cipya cilakambatuka nu kulepula insalu yampiti, nu kukuzya icipongo penepo.

Luka 5:35

Lelo manda yaliza lino siwinga alasendwa kufuma panoyali, lyene alino yalaizilizya ukulya.”